ہم کورونا کو برآمد کررہے ہیں، خواجہ آصف

تنویر علی

25th Jun, 2020. 07:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہم کورونا کو برآمد کررہے ہیں، خواجہ آصف

پاکستان مسلم لیگ ن کے مرکزی رہنما خواجہ آصف کا کہنا ہے کہ اب ہم کورونا کو برآمد کر رہے ہیں، ہم حقیقت سے آنکھیں نہیں چرا سکتے، یہ کورونا ہے زکام نہیں ہے۔

قومی اسمبلی کے اجلاس میں خطاب کرتے ہوئے خواجہ آصف کا کہنا تھا کہ وزیراعظم کے اپنے وزیر کہتے ہیں کہ تبدیلی نہیں آئی، یہ حکومت تباہی کی علامت ہے۔

انہوں نے کہا کہ وزیراعظم عمران خان کی تقریر میں تاریخ پر جو لیکچر دیا اس کی تصحیح ضروری ہے، مغلیہ دور کی تاریخ انہوں نے غلط بیان کی، پارلیمنٹ کو ان پڑھ نہ سمجھیں ان کو معلوم ہے بھاشن اپنی جماعت کودیں ہمیں معلوم ہے، وزیر اعظم نے جو اعداوشمار بتائے کیا وہ ان کو کنٹینر پر یاد نہیں تھے، وزیراعظم کی تقریر فرمائشی تقریر تھی۔

خواجہ آصف کا مزید کہنا تھا کہ وزیراعظم کا ایک دوست ہے بچپن کا اس کو انہوں نے کہا کہ جہانگیر ترین اور مجھ میں سے ایک ہی نا اہل ہوگا۔

انہوں نے کہا کہ عمران خان نے اسامہ بن لادن کو شہید کہا ہے جبکہ اسامہ بن لادن دنیا میں دہشت گردی لے کر آیا تھا۔

خواجہ آصف کا کہنا تھا کہ پاکستان کی تاریخ میں عمران خان سب سے کم قومی اسمبلی میں آیا ہے۔

انہوں نے کہا کہ کورونا سے پہلے 5 لاکھ لوگ بے روزگار تھے، اب بے روزگار لوگوں کی تعداد کروڑ سے اوپر ہے۔