وزیراعظم عمران خان کا کہنا ہے کہ عوام نے کورونا وائرس کوسنجیدہ نہیں لیا تو ملک کو نقصان ہوگا، اس ماہ پورے ملک میں آکسیجن سے لیس بیڈز دیے جائیں گے۔
قوم سے خطاب کرتے ہوئے وزیراعظم عمران خان کا کہنا تھا کہ اگرعوام بے احتیاطی کرے گی تومطلب وہ ملک کوخطرے میں ڈال رہے ہیں، کورونا وائرس کا عروج جولائی کے آخر یا اگست میں ہوگا، کوشش ہے ان ڈھائی مہینوں میں کورونا کو تیزی سے پھیلنے سے روکا جائے، کورونا تیزی سے نہیں پھیلے گا تو اسپتالوں پر پریشر کم آئے گا، ایس او پیز پر عمل کریں گے تو کیسز تیزی سے نہیں پھیلیں گے۔
عمران خان کا مزید کہنا تھا کہ ہماری کوشش ہےملک میں کورونا تیزی سے نہ پھیلے، امریکا میں بھی ایس او پیز کے ساتھ ملک کھول دیا گیا، ہمیں پتا ہے کورونا وائرس کو پھیلنا ہے، امریکامیں کورونا سے ایک لاکھ سے زیادہ لوگ مرگئے، امیرترین ملک بھی لاک ڈاؤن کھولنے کا فیصلہ کررہے ہیں، لاک ڈاؤن کی وجہ سےلوگ مشکل وقت سے گزر رہے ہیں، لاک ڈاؤن سے کورونا کا پھیلاؤ کم ہوجاتا ہے۔
انہوں نے کہا کہ اگر احتیاط نہ کی تو بہت مشکل وقت آنے والا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News