علی وزیر آزاد رکن سابق فاٹا نے کہا ہے کہ احساس پروگرام سروے سابق فاٹا میں نہیں کیا جارہا ہے۔
انہوں نے مطالبہ کیا ہے کہ وزیرستان میں چلغوزے کی فصل کی برآمد کرنے کے انتظامات کئے جائیں، ہمارے لوگوں کو وعدے کے مطابق سرکاری نوکریاں دی جائیں اور سابق فاٹا کے علاقوں میں 3 جی اور 4 جی سروسز فراہم کی جائیں۔
جے یو آئی ف کے مولانا جمال دین کا کہنا تھا کہ فاٹا کو رات و رات صوبے میں ضم کیا گیا جبکہ وعدہ کیا گیا تھا کہ فاٹا کے لئے ہر سال ایک سو دس ارب روپے رکھے جائیں گے لیکن فاٹا کے لئے پی ایس ڈی پی میں ذکر تک نہیں کیا گیا۔
انہوں نے کہا کہ فاٹا کے آئی ڈی پیز کے لئے چار لاکھ روپے فی مکان کے لئے وعدہ کیا گیا لیکن پیسے نہیں ملے کیونکہ پیسے رکھے ہمارے لئے جاتے ہیں اور دیئے سکیورٹی اداروں کو جاتے ہیں۔
ساجد خان کا کہنا تھا کہ فاٹا میں امن کے لئے ضروری ہے کہ فاٹا کی ترقی کے لئے اقدامات کئے جائیں کیونکہ اگر فاٹا میں امن نہیں ہوگا تو ملک میں امن نہیں ہوگا اور فاٹا سے پسماندگی دور کرنے کے لئے ضروری ہے کہ این ایف سی میں فنڈ مختص کیا جائے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
