ملک بھر میں کورونا وائرس کی تباہ کاریوں کی روک تھام کے سلسلے میں ملک میں معیشت کا پہیہ جام ہوگیا جس کے باعث پاکستان اس وقت مالک مشکلات کا شکار ہےاسی لئے پی آئی اے کے افسران کی تنخواہوں میں 25 فیصد کمی کا اعلان کردیا گیا ہے۔

تفصیلات کے مطابق ترجمان پی آئی اے نے اپنے ایک بیان میں کہا کہ ملازمین کی تنخواہ میں کمی کا فیصلہ مالی مشکلات کے باعث کیا گیا ہے جبکہ ایک لاکھ روپے سے کم تنخواہ والے ملازمین کی تنخواہوں میں کمی نہیں کی۔

 ترجمان پی آئی اے نے کہا کہ ایک سے دولاکھ روپے تنخواہ والے ملازمیں کی تنخواہ میں 10 فیصد کمی کی گئی جبکہ دولاکھ سے 3 لاکھ تک تنخواہ پر 15 فیصد کمی کی گئی ہے۔

 ترجمان پی آئی اے نے یہ بھی کہا کہ 3لاکھ سے  5 لاکھ تک والے ملازمین پر کی تنخواہ میں 15 فیصد کمی کردی گئی جبکہ 5لاکھ روپے اور اسے زاید تنخواہ والے ملازمین کی تنخواہ میں 25 فیصد کمی کردی گئی۔

ترجمان پی آئی اے نے مزید کہا کہ مالی مشکلات پر قابو پانے کے لیے ملازمین کی تنخواہوں میں کمی کا فیصلہ کیا کیونکہ کورونا کے باعث دنیا بھر کی ایرلائنز شدید مالی بحران کا شکار ہیں جبکہ مالی مشکلات کے باعث غیرملکی ایرلائنز نے ملازمین کو نوکریوں سے برطرف بھی کیا ہے ۔

یاد رہے کہ کورونا وائرس کا پھیلاؤ روکنے کے لیے پی آئی اے کا فلائٹ آپریش معطل ہے اور سول ایوی ایشن نے ملازمین کی ڈیوٹی کے اوقات کار تبدیل کر دیے ہیں۔

سول ایوی ایشن اتھارٹی کی جانب سے جاری نوٹیفکیشن کے مطابق ہیڈکوارٹرز، جنرل ڈیوٹی والے ملازمین 6گھنٹے کام کریں گے۔نوٹیفکیشن میں کہا گیا ہے کہ سی اےاے ملازمین صبح 10سے شام 4 بجےتک ڈیوٹی انجام دیں گے، جمعہ کوصبح 10بجےتا دوپہر ایک بجے تک ڈیوٹی ہوگی۔

پی آئی اے کے افسران کی تنخواہوں میں 20 فیصد کمی کا اعلان

واضح رہے کہ ملک میں آج اب تک کورونا سے اموات کی مجموعی تعداد 1688 ہوگئی جب کہ نئے کیسز سامنے آنے کے بعد مریضوں کی تعداد 80463 تک پہنچ گئی ہے۔

اب تک سندھ میں 526 اور پنجاب میں کورونا سے 570 افراد انتقال کرچکے ہیں جب کہ خیبر پختونخوا میں 490 افراد جاں بحق ہو چکے ہیں۔

اس کے علاوہ بلوچستان میں 49، اسلام آباد 34 ، گلگت بلتستان میں 12 اور آزاد کشمیر میں مہلک وائرس سے 7 افراد جاں بحق ہو چکے ہیں۔