اپوزیشن لیڈر شہباز شریف نے بلاول بھٹو زرداری کی حکومت مخالف اے پی سی کی تجویز پر اتفاق کر لیا ہے۔
پاکستان مسلم لیگ (ن) کے صدر اور قائد حزب اختلاف شہباز شریف کی جانب سے پاکستان پیپلز پارٹی کے چیئرمین بلاول بھٹو کو ٹیلی فون کیا ہے۔
رابطے کے دوران دونوں رہنماؤں نے کل جماعتی کانفرنس (اے پی سی) کے انعقاد پر مشاورت کی جبکہ اے پی سی کی تاریخ اور اس میں زیر غور آنے والے نکات پر بھی تبادلہ خیال کیا گیا ہے۔
بلاول بھٹو زرداری کی جانب سے شہباز شریف کی صحت سے متعلق دریافت کیا اور خیرسگالی کے جذبات کا بھی اظہار کیا گیا ہے جبکہ شہباز شریف کی جانب سے سابق صدر آصف زرداری کی صحت کے لیے نیک تمناؤں کا اظہار کیا گیا۔
ذرائع نے بتایا ہے کہ دیگر اپوزیشن جماعتوں کے ساتھ رابطوں کے بعد اے پی سی کی تاریخ کا اعلان کرنے پر اتفاق کیا گیا ہے۔
Advertisement
یاد رہے کہ بلاول بھٹو زرداری بجٹ سے پہلے یا فوری بعد اے پی سی چاہتے تھے لیکن ن لیگ کی جانب سے مثبت جواب نہ آنے پر اے پی سی کا انعقاد کھٹائی میں پڑ گیا تھا۔
پی پی پی کی جانب سے دو روز قبل ہوئے اجلاس میں ن لیگ پر تحفظات کا اظہار کیا گیا تھا، ان تحفظات کے بعد شہباز شریف نے آج کئی ہفتوں بعد بلاول کو ان کی تجویز کا جواب دیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
