کورونا وباکے پیش نظر محرم الحرام کےجلوس اور مجالس کے دوران معیاری آپریٹنگ طریقہ کار (ایس او پیز) کی  تیاری اور کووڈ-19 کے تدارک کیلئے رہنما اصولوں پر عمل درآمد میں تعاون کرنے کے لئے صدر پاکستان ڈاکٹر عارف علوی کی ممتاز شیعہ علماء سے فکری نشست کی منعقد کی گئی۔

اس موقع پر صدر مملکت کا کہنا تھا کہ ماہ رمضان اور عید الفطر کے موقع پر تمام مکاتب فکر سے تعلق رکھنے والے علمائے کرام نے کورونا وبا کی روک تھام کیلئے مکمل تعاون کیا تھا امید ہے کہ اس بار بھی علمائے کرام مثالی تعاون کا مظاہرہ کریں گے۔

انہوں نے کہا کہ محرم الحرام کے دوران علمائے کرام نے متفقہ طور پرعزاداری اور مجالس کیلئے درج ذیل ایس او پیز پر اتفاق کیا ہے۔

1. مجالس میں فاصلے کا خیال رکھا جائے۔
Advertisement

2. امام بارگاہ میں لوگوں کے بیٹھنے کے لیے نشان لگائے جائیں۔

3. ہر شخص ماسک پہن کر آئے، ماسک کے بغیر کسی کو داخلے کی اجازت نہیں ہو گی۔
Advertisement

امام بارگاہ کی انتظامیہ داخلی راستوں کے باہر ماسک فراہم کر سکتی ہے۔

4. قالین کے استعمال سے اجتناب کیا جائے۔ امام بارگاہ سے باہر جراثیم سے پاک چٹائیاں بچھائی جا سکتی ہیں۔

Advertisement
5. اگر قالین ہو تو روزانہ ان پر کلورین کا اسپرے کیا جائے۔

6. گھروں میں مجالس کے انعقاد کی صورت میں بھی SOPs کا خیال رکھا جائے۔

Advertisement
7. کرونا کی وجہ سے طویل مجالس کے انعقاد سے اجتناب کیا جائے۔ مجالس کو مقررہ وقت پر ہی شروع اور ختم کیا جائے ۔

8. عمر رسیدہ افراد کو عمومی مجالس میں شرکت سے روکا جائے

عمر رسیدہ افراد کو صرف گھروں کی مجالس تک محدود رکھا جائے۔

9. مجالس کے شرکاء تسبیح، جائے نماز، سجدہ گاہ وغیرہ اپنے ہمراہ نہ   لائیں۔

10. مصافحہ، معانقہ وغیرہ سے احتراز کیا جائے گا۔

11. تبرک اور نیاز کے دستر خوان کی بجائے پارسل کا اہتمام کیا جائے۔

12. رضاکار علم، تعزیہ اور شبیہ کو چھونے سے احتراز کریں۔ دور سے زیارت پر اکتفا کریں۔

13. عزاداری کے منتظمین مقامی انتظامیہ سے رابطے میں رہیں اور ایک دوسرے سے تعاون کریں۔

عزاداری ، عاشورہ اور محرم الحرام کےجلوسوں کے لیے ایس او پیز پر اتفاق رائے کیا گیا ہے۔

1. محرم کے دوران لائسنس یافتہ اور روایتی جلوس کو احتیاطی تدابیر (SOPs) کے ساتھ اجازت ہو گی۔
Advertisement

2. جلوس میں ہینڈ سینیٹائزر کااستعمال اور ماسک لگا نا   ضروری ہے۔

3. جلوس میں افراد کے مابین مناسب فاصلے کو برقرار رکھا جائے
Advertisement

4. پانی پینے پلانے کے دوران مشترکہ برتن کے استعمال سے گریز کیا جائے ۔

5. رضا کار و اسکاوٹس   کے ذریعےجلوس   کے شرکاء سے ہدایات پر عمل درآمد کروایا جائے۔
Advertisement

6. شرکاء کی تعداد مناسب رکھی جائے، وقت کو محدود کیا جائے ۔

7. عمر رسیدہ   اورمختلف بیماریوں میں مبتلا افراد کو جلوس میں شرکت کی اجازت نہ دی جائے ۔
Advertisement

آخر میں صدر نے متعلقہ ایس او پیز پر متفق ہونے پر صدر مملکت ڈاکٹر عارف علوی کی جانب سےعلماء کو مبارکباد پیش کی گئی۔

یاد رہے کہ اجلاس میں وفاقی وزیر داخلہ اعجازشاہ  ،وزیر مذہبی امور ، نور الحق قادری ، گورنر پنجاب ، چودھری محمد سرور ، علامہ عارف واحدی ، راجہ ناصر عباس ، ڈاکٹر غضنفر مہدی ، علامہ قمر حیدر زیدی ، راجہ بشارت امامی ، اور علامہ سجاد حسین نقوی نے شرکت کی۔

 صوبائی گورنروں، صدر آزاد جموں و کشمیر، سردار مسعود خان بھی اجلاس میں ویڈیو لنک سے شریک ہوئے۔