معاون خصوصی زلفی بخاری نے کہا ہے کہ ہم ملک سےفرار نہیں ہو رہے، ہمارا مرناجیناپاکستان میں ہے۔

تفصیلات کے مطابق معاون خصوصی زلفی بخاری نے اپنے ایک بیان میں کہا کہ بیرون ملک دولت کےانبارلگانےوالےخودمنہ چھپاتےپھررہےہیں ۔

اپنے بیان میں معاون خصوصی نے کہا کہ سیاسی دروغ گوئی کی بھی کوئی شرم ہوتی ہےکوئی حیا ہوتی ہے۔

زلفی بخاری نے یہ بھی کہا کہ وزارت عظمیٰ کامنصب سنبھالنےکےباوجودنوازشریف اقامہ ہولڈرتھے، نوازشریف کی موجودہ حیثیت ایک مفرورکی ہےجولندن میں روپوش ہیں۔

معاون خصوصی زلفی بخاری نے مزید کہا کہ خواجہ آصف،احسن اقبال بھی یواےای اورسعودی عرب کےاقامہ ہولڈرہیں، احسن اقبال ہماری فکرچھوڑیں پہلےاپنےاقاموں کاجواب دیں۔

عرب ممالک میں 21 ہزار پاکستانی نوکری سے محروم ہوگئے ،زلفی بخاری

واضح رہے اس سے قبل برطانوی نشریاتی ادارے کو انٹرویو دیتے ہوئے زلفی بخاری نے کہا تھا کہ کورونا کے باعث فضائی آپریشن معطل ہونے کے بعد بیرونِ ملک پھنسے ہوئے پاکستانیوں کی واپسی کی کوششیں تیز ہو رہی ہیں اور جلد ہی ہر ہفتے سات ہزار پاکستانیوں کو واپس وطن لایا جارہا ہے۔

معاون خصوصی نے کہا تھا کہ حکومت کوشش کر رہی ہے کہ کورونا کی وبا پھیلنے کے بعد بیرونِ ملک کام کرنے والے جن پاکستانیوں کو رخصت پر بھیج دیا گیا تھا، حالات میں بہتری آنے کے بعد ان کی نوکریوں پر واپسی کو یقینی بنایا جائے۔

زلفی بخاری نے مزید کہا تھا کہ پاکستان پر خلیجی ممالک کی جانب سے کوئی دباؤ نہیں کہ وہ اپنے شہریوں کو واپس بلائے۔