وزیر اعظم کامیاب جوان پروگرام اور اقوام متحدہ کے ادارے یو این ایف پی اے کے مابین مفاہمت کی یادداشت پر دستخط ہوگئے۔
تفصیلات کے مطابق وزیر اعظم کے معاون خصوصی برائے نوجوان محمد عثمان ڈار اور یو این ایف پی اے کی طرف سے مس لینا موسیٰ نے مفاہمت کی یادداشت پر دستخط کیے۔
اس موقع پر عثمان ڈار کاکہنا تھا کہ مفاہمت کا مقصد نوجوانوں کی بہتری اور با اختیار بنانے کے لیے تعاون کو یقینی بنانا ہے۔ یو این ایف پی اے کے تعاون سے نوجوانوں کی بہتری کے لیے اٹھائے گئے اقدامات پر عمل درآمد میں تیزی آئے گی۔
انہوں نے مزید کہا کہ یواین ایف پی اے کی تکنیکی معاونت کے ساتھ پاکستان بھر میں ضلعی سطح پر ایک نیا یوتھ انڈیکس مرتب کرنے میں مدد ملے گی۔
عثمان ڈار نے کہا کہ نوجوان پاکستان کا سب سے قیمتی اثاثہ اور سرمایہ ہیں جن کو حقیقی معنوں میں با اختیار بنانا ہماری حکومت کی اولین ترجیحات میں شامل ہے۔
Advertisement
مس لینا موسیٰ کا کہنا تھا کہ شراکت داری اور مل کر کام کرنے کا مقصد پاکستانی نوجوانوں کی صحت اور صلاحیتوں میں بہتری کے لیے کام کرنا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
