پاک فوج کے سپہ سالار جنرل قمر جاوید باجوہ نے کراچی کا دورہ کیا ہے۔

پاک فوج کےشعبہ تعلقات عامہ (آئی ایس پی آر) کے مطابق آرمی چیف جنرل قمرجاوید نے دورہ کراچی کے دوران کورہیڈکوارٹر اور رینجرز پیڈکوارٹرز کا بھی دورہ کیا جہاں کور کمانڈر کراچی نے آرمی چیف کا استقبال کیا۔

ترجمان آئی ایس پی آر کا کہنا ہے کہ دورے میں آرمی چیف جنرل قمرجاوید نے پی ایس ایکس حملے میں بروقت کارروائی پر اظہار اطمینان کیا ۔

ترجمان آئی ایس پی آر کا ہ بھی کہنا ہے کہ کراچی میں کورہیڈکوارٹر اور رینجرز پیڈکوارٹرز دورے کے دوران آرمی چیف کو داخلی سیکیورٹی اور آپریشنل امور پر بریف بھی کیا گیا۔

آرمی چیف نے کور ہیڈکوارٹرز میں فوجی جوانوں سے گفتگو کرتے ہوئے کہا کہ درپیش چیلنجز سے نمٹنے کے لیئے چوکس رہیں۔

نیوی وار کالج پاک بحریہ کا قابل فخر ادارہ ہے، آرمی چیف

واضح رہے اس سے قبل آرمی چیف جنرل قمرجاوید باجوہ نے نیوی وار کالج لاہور کا دورہ کیا تھا ، نیوی وار کالج آمد پر کمانڈنٹ ریئر ایڈمرل محمد زبیر شفیق نے آرمی چیف کا استقبال کیا تھا۔

ترجمان آئی ایس پی آر کا کہنا تھا کہ اپنے خطاب کے دوران آرمی چیف جنرل قمر جاوید باجوہ نے جیو اسٹریٹجک ماحول، سیکیورٹی چیلنجز اور پاکستان کے لیئے موجود مواقع پر بات کی تھی۔

اس موقع پر آرمی چیف جنرل قمر جاوید باجوہ نے 49ویں نیول اسٹاف کورس اور فیکلٹی ممبران سے خطاب کرتے ہوئے کہا تھا کہ نیوی وارکالج پاک بحریہ کا معتبر ادارہ ہے، جہاں پاکستان آرمڈ فورسز اور دوست ممالک کے افسران کو اہم کمانڈ اور اسٹاف کی تقرریوں کے بارے میں تربیت دی جاتی ہے۔