چئیرمین سی پیک اتھارٹی جنرل عاصم سلیم باجوہ نے کہا ہے کہ ترقیاتی منصوبوں سے گوادر سمیت جنوبی بلوچستان میں تیز رفتار سماجی و معاشی ترقی ہو گی۔

تفصیلات کے مطابق وزیراعظم عمران خان کے معاون خصوصی اطلاعات اور چیئرمین سی پیک اتھارٹی جنرل (ر) عاصم سلیم باجوہ نے سماجی رابطے کی ویب سائٹ ٹویٹر پر اپنے ایک بیان میں کہا کہ وزیراعظم کی زیر صدارت نیشنل ڈویلپمنٹ کونسل اجلاس میں اہم فیصلے کیئے گئے۔

A significant decision to fast track development projects in South Balochistan including Gwadar to uplift socio economics of the area. PM chaired National Development Council(NDC)mtng,attended by COAS,members of the federal cabinet,CM Balochistan,DG ISI #pakistanmakingprogress

— Asim Saleem Bajwa (@AsimSBajwa) July 24, 2020

اپنے پیغام میں عاصم سلیم باجوہ نے یہ بھی کہا کہ جنوبی بلوچستان میں فاسٹ ٹریک پر ترقیاتی منصوبوں کے اہم فیصلے گوادر سمیت جنوبی بلوچستان میں تیز رفتار سماجی و معاشی ترقی ہو گی۔

چیئرمین سی پیک اتھارٹی جنرل (ر) عاصم سلیم باجوہ نے کہا کہ وزیراعظم کی زیر صدارت نیشنل ڈویلپمنٹ کونسل اجلاس میں آرمی چیف، وفاقی کابینہ، وزیراعلی بلوچستان و ڈی جی آئی ایس آئی شریک ہوئے۔

واضح رہے اس سے قبل وزیرِاعظم عمران خان کی زیر صدارت قومی ترقیاتی کونسل کا دوسرا اجلاس منعقد ہوا جس میں قومی ترقیاتی ایجنڈہ خصوصاً بلوچستان میں ترقیاتی منصوبوں  کا جائزہ لیا گیا۔

گوادر کی ترقی بلوچستان کی قسمت بدل دے گی، وزیراعظم

اجلاس کے دوران وزیراعظم عمران خان کا کہنا تھا کہ سی پیک  منصوبوں سے استفادے کیلئے بلوچستان میں روڈ نیٹ ورک اور انفراسٹرکچر کی ترقی ضروری ہے۔

 وزیراعظم کا یہ بھی کہنا تھا کہ بلوچستان میں امن و امان کی صورتحال کو یقینی بنانا اور سماجی و اقتصادی ترقی حکومت کی اولین ترجیح ہے کیونکہ ماضی میں بلوچستان  کو مالی وسائل تو فراہم کیے گئے لیکن انکےمناسب  استعمال کو یکسر نظر انداز کیا گیا ہے۔

وزیراعظم عمران خان کامزید کہنا تھا کہ گوادر کی ترقی نہ صرف بلوچستان بلکہ پورے علاقے کی قسمت بدل دے گی۔