صدر مسلم لیگ ن شہبازشریف نے کہا ہے کہ کشمیریوں اور پاکستان کی منزل ایک ہے۔

تفصیلات کے مطابق صدر مسلم لیگ ن شہبازشریف نے سمجی رابطے کی ویب سائٹ ٹویٹر پراپنے ایک پیغام میں یوم الحاق پاکستان پر کشمیریوں کو خراج تحسین پیش کرتے ہوئے کہا کہ کشمیرکی آزادی اور بھارت کی شکست نوشتہ دیوار ہے۔

As we pay rich tributes to Kashmiris for their unwavering commitment to Pakistan on the anniversary of ‘Youm-e-ilhaq-e-Pakistan’, the world must know that no other people have suffered as much as Kashmiris have for demanding their UN-sanctioned right to self-determination.

— Shehbaz Sharif (@CMShehbaz) July 19, 2020

صدر مسلم لیگ ن نے کہا کہ کشمیریوں نے قیام پاکستان سے پہلے الحاق پاکستان کا فیصلہ کیا جبکہ قائداعظم نےکشمیرکوپاکستان کی شہہ رگ قراردیا۔

اہٓپنے پیغام میں قائد حزب اختلاف شہبازشریف نے یہ بھی کہا کہ بھارتی ظلم کے ہتھکنڈے کشمیریوں کوان کےنصب العین سےدستبردارنہیں کرسکتے۔

پاکستان مسلم لیگ (ن) کے صدر اور قائد حزب اختلاف شہبازشریف نے مزید کہا کہ کشمیری اپنے لہوکے نذرانے دے کر قرارداد الحاق پاکستان کی حفاظت کر رہے ہیں اور پاکستان کشمیریوں کی آزادی تک ان کی جدوجہد میں شانہ بہ شانہ رہے گا۔

کشمیری آج یوم الحاق پاکستان منا رہے ہیں

واضح رہے کہ دنیا بھر میں کشمیری آج یوم الحاق پاکستان منا رہے ہیں،اس دن کو منانے کا مقصد اس عہد کی تجدید کرنا ہے کہ کشمیر پاکستان کا حصہ ہے اور اسکے پاکستان سے الحاق تک جدوجہد جاری رہے گی۔

انیس جولائی 1947 کو کشمیریوں نے نظریاتی طور پر پاکستان سے رشتہ جوڑ کر الحاق کا فیصلہ کیا، آل جموں وکشمیر مسلم کانفرنس کے اجلاس کے دوران کشمیر کے پاکستان کے ساتھ الحاق کی قرارداد متفقہ طورپر منظور کی گئی۔

کشمیر ی اس دن اس عہد کی تجدید کرتے ہیں کہ پاکستان کے ساتھ الحاق تک تحریک جاری رکھی جائے گی۔

جذبہ آزادی سے سرشار کشمیریوں کا آج بھی یہی نعرہ ہے کہ کشمیر بنے گا پاکستان۔