ایل او سی پر اشتعال انگیزی، بھارتی ہائی کمیشن کے سینئر سفارتکار کی دفتر خارجہ طلبی

انور عباس

06th Jul, 2020. 01:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایل او سی پر اشتعال انگیزی، بھارتی ہائی کمیشن کے سینئر سفارتکار کی دفتر خارجہ طلبی

لائن آف کنٹرول (ایل او سی )پر بھارتی افواج کی اشتعال انگیزی کے خلاف احتجاج ریکارڈ کرانے کے لیے پاکستان نے بھارتی ہائی کمیشن کے سینئر سفارتکار کو دفتر خارجہ طلب کرلیا ۔

تفصیلات کے مطابق لائن آف کنٹرول پر بھارتی افواج کی جانب سے مسلسل جنگ بندی کی خلاف ورزیاں کیے جانے پر پاکستان میں بھارتی ہائی کمیشن کے سینئر سفارتکار کو دفتر خارجہ طلب کرلیا گیا۔

ایل او سی پر بھارتی افواج کی جانب سے جنگ بندی کی خلاف ورزی پر پاکستان نے بھارتی سفارتکار کو احتجاج ریکارڈ کرایا۔

ترجمان دفتر خارجہ نے کہا کہ رواں برس بھارت کی جانب سے 1595 بار سیز فائر معاہدے کی خلاف ورزیاں کی گئی ہیں جس میں 14 معصوم شہری شہید اور 121 زخمی ہوئے ہیں۔

ترجمان دفتر خارجہ نے مزید کہا کہ بھارتی افواج لائن آف کنٹرول پر تسلسل سے شہری آبادی کو بھاری اسلحہ سے نشانہ بنا رہی ہیں۔ کنٹرول لائن پر تناؤ بڑھا کر بھارت مقبوضہ کشمیر میں انسانی حقوق کی سنگین خلاف ورزیوں سے عالمی توجہ نہیں ہٹا سکتا۔

ترجمان دفتر خارجہ کا کہنا تھا کہ بھارت کی طرف سے جنگ بندی کی خلاف ورزی علاقائی امن و سلامتی کے لئے خطرہ ہے۔ بھارت 2003کے جنگ بندی معاہدے کا احترام کرے۔