خیبر پختونخوا حکومت کا پی ٹی ایم رہنماؤں کے خلاف دائر کیس واپس لینے کا فیصلہ

آصف شکور

11th Jul, 2020. 08:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خیبر پختونخوا حکومت کا پی ٹی ایم رہنماؤں کے خلاف دائر کیس واپس لینے کا فیصلہ

خیبر پختونخوا حکومت نے پی ٹی ایم رہنماؤں کے خلاف دائر کیس واپس لینے کا فیصلہ کرلیا۔

تفصیلات کے مطابق خیبر پختونخوا حکومت نے پی ٹی ایم رہنماؤں کے خلاف شمالی وزیرستان خڑکمر چیک پوسٹ حملہ کیس واپس لینے کے لیے عدالت میں درخواست جمع کرا دی ہے۔

حکومت کی جانب سے موقف اپنایا گیا کہ حکومت موجودہ صورتحال کے تناظر میں کیس واپس لینا چاہتی ہے۔حکومت نے فیصلہ قومی مفاد کے تحت کیا ہے۔

سینئر قانون دان لطیف آفریدی کا کہنا ہے کہ حکومت نے عدالت میں کیس واپس لینے کے لیے درخواست دائر کی ہے۔ استغاثہ کا کیس واپس لینے کے لیے درخواست جمع ہونے کے بعد کیس خودبخود ختم ہوجاتاہے۔

یاد رہے کہ خڑ کمر چیک پوسٹ پر حملے کے الزام میں سی ٹی ڈی نے سرکار کی مدعیت میں پی ٹی ایم کے محسن داوڑ، علی وزیر اور دیگر کے خلاف مقدمہ درج کیا تھا۔ کیس اے ٹی سی بنوں نے ابیٹ آباد منتقل کیا تھا۔

واضح رہے کہ خڑکمر کا واقعہ 26 فروری 2019 کو پیش آیا تھا۔ واقعے میں سیکیورٹی اہلکار سمیت 13 افراد جاں بحق اور دیگر کئی افراد زخمی ہوئے تھے۔

ممبر قومی اسمبلی محسن داوڑاور علی وزیر اس واقعے کے الزام میں کئی ماہ جیل میں گزار چکے ہیں۔