وزیراعظم عمران خان کے معاون خصوصی برائے اطلاعات لیفٹینٹ جنرل (ر) عاصم سلیم باجوہ نے کہا ہے کہ قوم نےثابت کیا وہ مہلک وباکوشکست دینے کےلیے پر عزم ہے۔

تفصیلات کے مطابق وزیراعظم عمران خان کے معاون خصوصی برائے اطلاعات لیفٹینٹ جنرل (ر) عاصم سلیم باجوہ نے سماجی رابطے کی ویب سائٹ ٹویٹر پر اپنے ایک بیان میں کہا کہ پاکستان نےکورونا وبا میں زندگی اورروزگارکیلئےمتوازن پالیسی اپنائی۔

Pakistan’s consistent policy of balancing life and livelihood endorsed. While the world seeks to enviously emulate Pakistan, our response stands vindicated. Our nation proves resilient as they adapt to beat back the menace https://t.co/wjW37nyNRJ

— Asim Saleem Bajwa (@AsimSBajwa) July 10, 2020

اپنے بیان میں وزیراعظم عمران خان کے معاون خصوصی برائے اطلاعات لیفٹینٹ جنرل (ر) عاصم سلیم باجوہ نے مزید کہا کہ کورونامیں سماجی صورتحال سےمتعلق پاکستان کی موثرپالیسی کوپذیرائی مل رہی ہے، وباسےنمٹنےکی ملکی پالیسی کی عالمی سطح پرحمایت اس کاواضح ثبوت ہے

واضح رہے اس سے قبل سماجی را بطے کی ویب سائٹ ٹوئٹر پرجا ری کیے گئے اپنے پیغام میں چیئر مین سی پیک اتھارٹی لیفٹیننٹ جنرل( ریٹائرڈ) عاصم سلیم باجوہ نےلکھا تھا کہ وزیر اعظم آزاد کشمیر راجہ فاروق حیدر اور چینی کمپنیوں کے سربراہان سے ملاقات ہوئی۔

لیفٹیننٹ جنرل (ریٹائرڈ )عاصم سلیم باجوہ نے کہا تھا کہ نئے شروع کیے گئے منصوبوں سے 8 ہزار روزگار کے مواقع پیدا ہوں گے۔

نئے منصوبوں سے 8 ہزار روزگار کے مواقع پیدا ہوں گے

انہوں نے بتایا تھا کہ ملاقات میں کوہالہ پاور اور آزاد پتن پاور منصوبوں پر کام شروع کرنے سے متعلق بات چیت کے علاوہ منصوبوں پر جلد از جلد کام شروع کرنے کے لیے اقدامات پر تبادلہ خیال کیا گیا۔

عاصم سلیم باجوہ نے مزید کہا تھا کہ توانائی کے منصوبے 1800 میگاواٹ بجلی پیدا کریں گے جبکہ منصوبوں سے 8 ہزار روزگار کے مواقع بھی پیدا ہوں گے۔