وزیر صحت سندھ ڈاکٹر عذرا پیچوہو نے کہا ہے کہ احتیاط نہ کرنے پر عید کے بعد کورونا کے پھہلاؤ میں اضافہ ہوسکتا ہے۔

تفصیلات کے مطابق وزیر صحت سندھ ڈاکٹر عذرا پیچوہو نے اپنے ایک بیان میں کہا کہ عید کے موقع پر احتیاط لازم ہے، قربانی کے سلسلے میں تمام ایس او پیز پر عمل کریں۔

وزیر صحت سندھ نے کہا کہ معمر افراد یا مختلف بیماریوں میں مبتلا افراد کے لیے کرونا وائرس خطرے کا سبب بن سکتا ہے۔

ڈاکٹر عذرا پیچوہو نے یہ بھی کہا کہ میل جول کا سلسلہ کم رکھیں، بذریعہ فون ایک دوسرے کو مبارکباد کہیں۔

وزیر صحت سندھ ڈاکٹر عذرا پیچوہو نے  مزید کہا ہے کہ کوشش کریں مدرسے یا مسجد میں اجتماعی قربانی کریں تا کہ مویشی منڈی جانا نہ پڑے۔

واضح رہے اس سے قبل کورونا متاثرہ مریضوں کے لیے وزیر صحت سندھ ڈاکٹر عذرا پیچوہو نے اہم پیغام میں کہا تھا کہ کورونا کے مریض وقت پر ہسپتال نہیں آ رہے، مریض بہت زیادہ سانس کی تکلیف ہونے پر آخری لمحات میں ہسپتال آ رہے ہیں۔

وزیر صحت سندھ نے کہا تھا کہ یہ بھی دیکھا گیا ہے کہ لوگ اس مرض کو چھپا رہے ہیں، یہ آپ کی حفاظت کا معاملہ ہے جبکہ دیگر امراض مبتلا مریض جیسا کہ دمہ، شگر یا بلڈ پریشر وغیرہ کے مریض فورن ہسپتال آئیں۔

اپنے پیغام میں وزیر صحت سندھ ڈاکٹر عذرا پیچوہو نے مزید کہا تھا کہ اس کے علاوہ سول، ٽراما سینٹر اور ایس آئی یو ٹی میں بھی کرونا کا اعلاج کیا جا رہا ہے، ایسا نہیں ہے کہ کورونا کے مریضوں کے لیے اسپتال میں بسترموجود نہیں کیونکہ ہمارے پاس اب بھی مریضوں کی تعداد سے زیادہ بستر اور وینٹیلیٹرز موجود ہیں۔