پاک فضائیہ کے سربراہ ایئر چیف مارشل مجاہد انور خان کا کہنا ہے کہ پاک فضائیہ دشمن کی کسی بھی مہم جوئی کا جواب دینے کے لیے ہمہ وقت تیا ر ہے۔
ترجمان پاک فضائیہ کے مطابق سربراہ پاک فضائیہ مجاہد انور خان نے پی اے ایف بیس قادری پر جاری آپریشنل مشقوں کا معا ئنہ کیا اور عملے کی آپریشنل تیاریوں اور پیشہ وارانہ صلاحیتوں پر اطمینان کا اظہار کیا۔
اس موقع پر ایئر چیف نے کہا کہ پاک فضائیہ خطے کی جیو اسٹریٹیجک صورتحال سے بخوبی آگاہ ہے۔ ہم دشمن کی جانب سے فوجی سازو سامان کی خریداری سے بھی لا علم نہیں ہیں۔
مجاہد انور خان نے کہا کہ روایتی جنگ میں طاقت کے توازن کو برقرار رکھنے کے لیے ہر ممکن اقدامات کیے جا رہے ہیں۔
Advertisement
انہوں نےکہا کہ دشمن کی کسی بھی مہم جوئی کی صورت میں، پاک فضائیہ بری اور بحری افواج کے ہمراہ بھر پور اندازمیں جواب دینے کے لیے ہمہ وقت تیار ہے۔
ائیر چیف نے مسئلہ کشمیر کو اقوامِ متحدہ کی قرار دادوں کے مطابق فوری حل کرنے کی ضرورت پر زور دیا ۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
