پنجاب حکومت نے عید قربان پر چھٹیاں وفاق کے مطابق کرنے کا فیصلہ کیا ہے تاہم حتمی منظوری وزیر اعلی پنجاب دیں گے۔

تفصیلات کے مطابق پنجاب حکومت نے عیدالاضحیٰ کی چھٹیوں سے متعلق اعلان کرتے ہوئے کہا کہ صوبائی حکومت عید الاضحیٰ کی چھٹیوں کے معاملے پر وفاق کی پیروی کرنے کا فیصلہ کیا ہے جس کے تحت عید کی تعطیلات پر پنجاب حکومت وفاق کے ساتھ جائے گی۔

ذرائع کا کہنا ہے کہ صوبائی کابینہ کی جانب سے بھی عید کے موقع پر تین چھٹیاں کرنے پر رضا مندی ظاہر کی گئی ہے جبکہ آئندہ چند روز میں چھٹیوں کے حوالے سے اعلان کر دیا جائے گا

ذرائع کا مزید کہنا ہے کہ پنجاب میں جمعہ، ہفتہ اور اتوار چھٹی ہوگی، عید کے بعد پیر سے سرکاری ادارے معمول کے مطابق کھولے جائیں گے۔

یاد رہے اس سے قبل عالمی وبا کورونا کی صورتحال میں وفاقی حکومت کا عیدالاضحیٰ پرصرف 3 چھٹیاں دینے کا پلان سامنے آگیا۔

وفاقی وزارت داخلہ کے سرکلر کے مطابق عیدالاضحیٰ پر 3 چھٹیاں دینے کا فیصلہ کیا گیا ہے جو ممکنہ طور پر 31 جولائی سے شروع ہونگی،عوام کو غیر ضروری سفر سے روکنے کے لیے اضافی تعطیلات نہیں دی جائیں گی۔

عیدالاضحیٰ پر کتنی چھٹیاں ہوں گی؟ فیصلہ سامنے آگیا

ذرائع کے مطابق رواں برس عیدالاضحیٰ جمعے کے روز ہونے کا امکان ہے جس پر عید کی تین تعطیلات ممکنہ طور پر جمعہ، ہفتہ اور اتوار کو ہوں گی۔