چیئرمین پاکستان پیپلزپارٹی بلاول بھٹو زرداری نے کہا ہے کہ عبدالستار ایدھی نے اس ملک کے لوگوں کی مستقل مزاجی کے ساتھ خدمت کی۔

تفصیلات کے مطابق چیئرمین پاکستان پیپلزپارٹی بلاول بھٹو زرداری نے عبدالستار ایدھی کے یومِ وفات کے حوالے سے سماجی رابطے کی ویب سائٹ ٹویٹر پر اپنے ایک پیغام میں کہا کہ آج ہم پاکستان کے سب سے بہترین فرزند عبدالستار ایدھی کو یاد کررہے ہیں۔

Today we remember one of Pakistan’s finest son, Abdul Sattar Edhi. He lived with simplicity and grace and served the people of this country with unwavering dedication.

— BilawalBhuttoZardari (@BBhuttoZardari) July 8, 2020

اپنے پیغام میں چیئرمین پاکستان پیپلزپارٹی بلاول بھٹو زرداری نے مزید کہا کہ عبدالستار ایدھی نے سادگی اور شان سے اس ملک کے لوگوں کی مستقل مزاجی کے ساتھ خدمت کی۔

دکھی انسانیت کے مسیحا ایدھی فاؤنڈیشن انٹرنیشنل کے بانی عبدالستار ایدھی کو ہم سے جدا ہوئے چار سال بیت گئے۔

عبد الستار ایدھی نے زندگی میں بیشتر چیلنجز کا سامنا کیا مگر ان کی صاف نیت اور مستقل مزاجی نے انہیں ہر میدان میں کامیابی سے ہمکنار کیا۔

عبدالستار ایدھی کو جدا ہوئے چار برس بیت گئے

عبدالستار ایدھی 1928 کو بھارت کی ریاست گجرات کے شہر بانٹوا میں پیدا ہوئے تھے۔

قیام پاکستان کے بعد کراچی میں قیام کرنے والے عبدالستار ایدھی نے 1951 میں ایک چھوٹے کمرے سے دکھی انسانیت کی خدمت کا آغاز کیا تھا۔

عبدالستار ایدھی نے ایدھی فاؤنڈیشن کی بنیاد رکھی تو جیسے لاوارث بچوں اور بے سہارا خواتین اور بزرگوں کو سہارا مل گیا۔

ایدھی کی ایمبولنس سروس نے بڑے سانحات سے لے کر چھوٹے حادثات تک میں انسانی خدمت کی وہ مثالیں پیش کیں جو ہمیشہ یاد رکھی جائیں گی۔