مشیر تجارت عبدالرزاق داؤد نے کہا ہے کہ ہم نے بہت کام کیا ہے اور ہم کاروباری ماحول کو بہتر بنانے میں کامیاب ہوئے ہیں۔

تفصیلات کے مطابق مشیر تجارت عبدالرزاق داؤد نے سماجی رابطے کی ویب سائٹ ٹویٹر پر اپنے ایک پیغام میں کہا کہ اب تک ایز  آف ڈوئنگ بزنس پر ہماری پیشرفت اطمینان بخش رہی ہے۔

We have done a lot of work and we are keeping this momentum to pursue further reforms for improving the overall business climate and sustaining our progress in the EODB Index. @ImranKhanPTI

— Abdul Razak Dawood (@razak_dawood) July 14, 2020

اپنے پیغام میں عبدالرزاق داؤد نے یہ بھی کہا کہ کاروبار میں آسانی کے انڈیکس میں پیشرفت کو برقرار رکھنے کے لئے مزید اصلاحات جاری ہیں جبکہ اصلاحات کی اس رفتار کو برقرار رکھے ہوئے ہیں۔

مشیر تجارت عبدالرزاق داؤد نے مزید کہا کہ 30 اپریل 2020 تک ہمارے پلان کے مطابق بند ہوگئے جس کی رپورٹ اکتوبر میں آئے گی، ہمیں امید ہے کہ ہماری اصلاحی کوششوں سے اس سال بھی اچھے نتائج برآمد ہوں گے۔

 واضح رہے اس سے قبل مشیر تجارت عبدالرزاق داؤد کی صدارت میں وزارت تجارت کے تھنک ٹینک کا اجلاس ہوا ، جس میں کورونا وائرس کے باعث معیشت پر پڑنے والے اثرات کو کم کرنے پر غور کیا گیا  اور صنعتی شعبے کے نمائندوں نے حکومت کو تجاویز سے بھی آگاہ کیا ۔

اس موقع پر مشیر تجارت نے کہا تھا کہ کورونا وائرس کے باعث پوری دنیا میں تبدیلیاں رونما ہورہی ہیں، پاکستان کو بھی جدید تقاضوں کے مطابق ملکی معیشت کو آگے بڑھانا ہوگا۔

صنعتوں کی بہتری کیلئے اقدامات کئے جائیں گے، مشیر تجارت

  عبدالرزاق داؤد نے یہ بھی کہا تھا کہ یہ صورتحال بزنس ماڈل کو نئی شکل دینے کا ایک موقع ہے، عالمی مارکیٹ تک برآمدات کی رسائی سمیت خدمات کے شعبے میں نئی راہیں تلاش کرنی ہونگی۔

مشیر تجارت عبدالرزاق داؤد نے مزید کہا تھا کہ ملکی اور غیر ملکی سرمایہ کاری کی حوصلہ افزائی کی جارہی ہے جبکہ حکومت برآمدات بڑھانے سمیت برآمداتی شعبے کو سہولیات فراہم کررہی ہے۔