مسلم لیگ ن کے مرکزی رہنما احسن اقبال نے کہا ہے کہ کلبھوشن یادیو کو این آراو دینا انتہائی شرمناک ہے۔

تفصیلات کے مطابق مسلم لیگ ن کے مرکزی رہنما احسن اقبال نے سماجی رابطے کی ویب سائٹ ٹویٹر پراپنے ایک پیغام میں کہا کہ عمران خان اپوزیشن کو ہر قیمت پر این آراو نہ دینے کا اپنا عزم زوردار طریقے سے دہراتے ہیں۔

عمران خان اپوزیشن کو ہر قیمت پر NRO نہ دینے کا اپنا عزم زوردار طریقے سے دہراتے ہیں جبکہ ان سے کسی نے NRO مانگا ہی نہیں – مگر جس پھرتی سے وہ اور ان کی حکومت کلبھوشن یادیو کو NRO دینے کی پھرتیاں دکھا رہے ہیں انتہائی شرمناک ہے-

— Ahsan Iqbal (@betterpakistan) July 23, 2020

اپنے بیان میں مسلم لیگ ن کے مرکزی رہنما احسن اقبال نے مزید کہا کہ عمران خان سے کسی نے این آراو مانگا ہی نہیں مگر جس پھرتی سے وہ اور ان کی حکومت کلبھوشن یادیو کو این آراو دینے کی پھرتیاں دکھا رہے ہیں وہ انتہائی شرمناک ہے۔

حکومت کلبھوشن یادیو کو این آر او دے رہی ہے

دوسری جانب مسلم لیگ ن کےرہنما خواجہ آصف نے قومی اسمبلی میں سوال اٹھاتے ہوئے کہا ہے کہ حکومت قانون سازی کرکے کلبھوشن کو کیوں رعایت دی رہی ہے؟ حکومت کیوں ایک بھارتی جاسوس کی سہولت کار بنی ہوئی ہے؟

قومی اسمبلی میں اظہار خیال کرتے ہوئے خواجہ آصف نے مزید کہا کہ کلبھوشن پاکستان کا مجرم ہے، اس نے اقبال جرم کیا اسے سزا سنائی گئی، ہم کبھی تجارت کھول رہے ہیں کبھی کلبھوشن پر آرڈیننس نکالتے ہیں،کشمیر مقتل بنا ہوا ہےآج کون مودی کا یار ہے؟پاکستان کی عزت کیوں بیچ رہے۔