خیبرپختونخوا کے علاقے ایبٹ آباد ميں تیز رفتار جیپ گہری کھائی ميں جاگری جس کے نتیجے میں 7 افراد جاں بحق ہوگئے ہیں۔

تفصیلات کے مطابق ایبٹ آباد کے علاقہ لورہ سے بٹنگی جانیوالی جیپ گہری کھائی میں جاگری ، حادثے میں ہونے والے جاں بحق افراد میں 2 بچے اور ایک خاتون شامل ہیں۔

ریسکیو ذرائع کے مطابق حادثے کے نتیجے میں 4 افراد زخمی ہوئے ہیں، جاں بحق اور زخمی افراد کو تحصیل ہیڈ کوارٹر اسپتال منتقل کردیا گیا ہےجہاں انہیں طبینن امداد فراہم جی جارہی ہے۔

پولیس کا کہنا ہے کہ حادثے کے بعد مقامی افراد اور پولیس نے کھائی سے لاشوں اور زخمیوں کو نکالا جبکہ زخمی ہونے تین افراد کی حالت تشویش ناک بتائی گئی ہے۔

 پولیس کا مزید کہنا ہے کہ حادثے کی وجہ فوری طور پر معلوم نہیں ہوسکی ہے تاہم تحقیقات کا آغاز کردیا گیا ہے۔

باراتیوں کی گاڑی کھائی میں گرگئی،دلہن سمیت5افرادجاں بحق

واضح رہے اس سے قبل مانسہرہ کی تحصیل اوگی میں باراتیوں کی گاڑی کھائی میں گرنےسے دلہن سمیت 5 افرادجاں بحق ہوگئے تھے۔

مانسہرہ کے گاؤں سیدآباد چورکلاں سےباراتیوں کی جیپ تورغر کے گاؤں تلی جارہی تھی کہ بنجئی کے مقام پر تیز رفتاری کے سبب جیپ ڈرائیور سے بےقابو ہوکر کھائی میں گری تھی۔

ذرائع کے مطابق حادثےمیں دلہن سمیت 2 خواتین اور 3 مرد موقع پرجاں بحق جبکہ ایک خاتون زخمی ہوگئی جسے اوگی اسپتال منتقل کردیا گیا تھا۔