مقبوضہ کشمیر میں لاک ڈاؤن کے دوران بھارتی فوج نے 192 کشمیری نوجوانوں کو شہید اور 1326 کو زخمی کیا۔

کشمیر میڈیا سروس کے مطابق بھارتی فوج نے مقبوضہ کشمیر میں لاک ڈاون کے 11 ماہ کے دوران 192 کشمیری کو شہید ،اور 1326 کو زخمی کیا ہے۔

کشمیر میڈیا سروس کی رپورٹ کے مطابق 5 اگست 2019 کو بھارت نے آرٹیکل 370 کو ختم کر کے مقبوضہ وادی میں مکمل طور پر لاک ڈاؤن اور کرفیو لگا دیا جسے آج گیارہ ماہ گذر گئے۔

رپورٹ میں کہا گیا ہے کہ اس دوران غاصب فوج نے 192 کشمیریوں کو شہید کیا، 9 خواتین بیوہ ہوئیں، 22 بچے یتیم اور935 گھروں کو مسمار کر دیا گیا، ہزاروں سیاسی کارکن اور رہنما گھروں میں نظر بند اور گرفتار کر لیے گئے۔

کشمیر میڈیا سروس کی رپورٹ میں مزید کہا گیا ہے کہ وادی میں انٹرنیٹ اور موبائل سروس بند ہے، تعلیمی اداروں اور کاروباری مراکز پر تالے پڑے ہیں۔

واضح رہے کہ کورونا وائرس کے پھیلاؤ کے خدشے کے پیش نظر حکومت کی جانب سے کیے جانے والے مکمل لاک ڈاون کے فیصلے کے مطابق عمل درآمد شروع کردیا تھا۔

کشمیر دوہرے لاک ڈاؤن کا شکار ہے، اسد مجید خان

آزاد کشمیر میں میڈیکل اسٹورز، کھانے پینے کی اشیاء کے علاوہ اکثر و دیگر کاروباری بھی بند کردیئے گئے ۔

مکمل لاک ڈاؤن کے فیصلے کے مطابق آزاد کشمیر کے 11 انٹری پوائنٹس پر اقدامات مزید سخت کر دئیے گئے ہیں جبکہ مارکیٹیں،شاپنگ مالز بھی بند کر دیئے گئے تھے۔

کورونا وائرس کی روک تھام کیلئے دارالحکومت مظفرآباد سمیت ریاست بھر میں مکمل لاک ڈاؤن کردیا گیا جس پر عمل درآمد کے بعد مکمل لاک ڈاؤن کے باعث عوام کو غیر ضروری سفر سے روک دیا گیا ۔

خیال رہے کہ مرکزی انجمن تاجران آزاد کشمیر و تاجر جائنٹ کمیٹی مظفرآباد نے حکومتی لاک ڈاؤن کو مسترد کر دیا ہے اور کہا ہے کہ حکومت کے ساتھ گذشتہ فارمولے کے تحت کاروبار جاری رکھیں گے کسی نیے نوٹیفیکیشن کو نہیں مانتےکل سے کاروباری مراکز کھول دینگے ۔