سول ایوی ایشن اتھارٹی نے عیدالاضحی سے متعلق اہم اجلاس کل طلب کرلیا ۔

تفصیلات کے مطابق سول ایوی ایشن اتھارٹی نے عیدالاضحی سے متعلق اہم اجلاس کل کراچی ایئرپورٹ پر طلب کرلیا گیا ہے، اجلاس ماحولیاتی آلودگی پر قابو پانے سے متعلق ہوگا۔

اجلاس میں عیدالاضحی پر آلائشوں سے متعلق بات چیت ہوگی جبکہ ماحولیاتی آلودگی سے کراچی ایئرپورٹ رن وے پر پرندے آتے ہیں۔

چیف آپریٹنگ افسر نے کہا کہ گوشت اور کھانے پینے کی اشیا قریبی آبادی میں ہونے کے باعث پرندوں کے جہازوں سے ٹکرانے کے واقعات ہوتے ہیں، عید پر بلدیاتی ادارے آلائشوں کو بروقت ٹھکانے لگانے کے اقدامات کرے۔

چیف آپریٹنگ افسر نے مزید کہا کہ ایئرپورٹ کے اطراف آلائشیں اور گوشت کے ٹکڑے پھینکنے سے پرندے آتے ہیں۔

عیدالاضحی سے متعلق اہم اجلاس میں میئر کراچی وسیم اختر سمیت بلدیاتی اداروں کے عہدیداران بھی شرکت کرینگے۔

عیدالاضحیٰ کے دوران ایس او پیز پر سختی سے عملدرآمد کروایا جائے، وزیراعظم

یاد رہے اس سے قبل وفاقی حکومت کی جانب سے عیدالاضحیٰ کی چھٹیوں کا نوٹیفکیشن جاری کردیا تھا جس کے مطابق عیدالاضحیٰ پر صرف تین چھٹیاں ہوں گی

نوٹیفکیشن میں واضح بتایا گیا تھا کہ عیدالاضحی کیلئے 31جولائی سے 2اگست تک چھٹیاں ہوں گی یعنی جمعہ، ہفتہ اور اتوار کے روز چھٹی ہوگی۔

واضح رہے کہ اس سے قبل وفاقی حکومت نے عید الاضحیٰ پر تین چھٹیاں دینے کا فیصلہ کیا تھا کہ عید الاضحیٰ پر 31 جولائی سے 2 اگست (جمعہ، ہفتہ اور اتوار )کو تین چھٹیاں ہوں گی۔