مرکزی ترجمان پیپلز پارٹی مولابخش چانڈیو نے کہا ہے کہ ہم کسی صورت آئین ، جمہوریت اور عوام کے حق حکمرانی پر سمجھوتہ نہیں کریں گے۔

تفصیلات کے مطابق مرکزی ترجمان پیپلز پارٹی مولابخش چانڈیو نے پانچ جولائی یوم سیاہ پر پیغام میں کہا کہ 5 جولائی 1977ء کو ایک طالع آزما آمر نے آئین توڑ کر جمہوریت پر شب خون مارا ، آج کے دن  عوامی امنگوں، آئین، جہموریت اور انسانیت کا قتل ہوا۔

مرکزی ترجمان پیپلز پارٹی نے کہا کہ آمر ضیا نے لاکھوں  لوگوں کو جیلوں میں ڈالا، جمہوریت کے ہزاروں کو کوڑے مارے اور سینکڑوں کو قتل کیا، آج کے دن آمر ضیاء نے ایسی تاریکی مسلط کی جس کے بھیانک نتائج  قوم آج بھی بھگت رہی ہے۔

مولابخش چانڈیو نے یہ بھی کہا کہ فرقیواریت ، لسانیت ، انتہاپسندی اور دہشتگری نے پانچ جولائی کی کوکھ سے جنم لیا، عوام سے حق حکمرانی چھین کر کٹھ پتلیوں کو اقتدار میں بٹھانا بھی ضیائی آمریت کا تسلسل ہی ہے

مرکزی ترجمان پیپلز پارٹی کا کہنا تھا کہ عمران خان حقیقی سیاسی قیادت کو احتساب کے نام پر انتقام کا نشانہ بنا کر ضیاء کے مشن کی تکمیل کر رہے ہیں، پانچ جولائی کے شب خون کے باوجود عوام نے کبھی بونے، مصنوعی اور کٹھ پتلی سیاستدانوں کو قبول نہیں کیا۔

خان صاحب کا خطاب منیر نیازی کے کلام کی طرح ہے ، مولابخش چانڈیو

مولابخش چانڈیو کا یہ بھی کہنا تھا کہ آمر اور ان کی باقیات  رسوا ہوئے اور بھٹو خاندان آج بھی عوام کے دلوں پر راج کر رہا ہے، آج بھی مصنوعی سیاسی قیادت اور آمریت کی باقیات کیلئے بڑا خطرا بلاول بھٹو زرداری ہی ہیں۔

مرکزی ترجمان پیپلز پارٹی مولابخش چانڈیو کا مزید کہنا تھا کہ پیپلز پارٹی چیئرمن بلاول کی قیادت میں آئین اور جمہوریت کا علم تھامے ہوئے ہے، ہم کسی صورت آئین ، جمہوریت اور عوام کے حق حکمرانی پر سمجھوتہ نہیں کریں گے۔