وزیر اعلیٰ سندھ مراد علی شاہ نے صوبے میں آٹے کی قیمتوں کو کنٹرول کرنے ہدایت جاری کردی۔
تفصیلات کے مطابق وزیر اعلیٰ سندھ مراد علی شاہ کی زیر صدارت گندم کے حوالے سے اہم اجلاس ہوا۔
اجلاس میں صوبائی وزیر خوراک ہری رام، صوبائی وزیر زراعت اسماعیل راہو اور سیکرٹری فوڈ لئیق احمد امید اور دیگر اعلیٰ حکام موجود تھے۔
صوبائی وزیر خوراک ہری رام نے بریفنگ دی کہ سندھ حکومت نے گندم کی خریداری کا ٹارگٹ 1.4 ملین ٹن سے کم کرکے 1.25 کردیا تھا۔
ہری رام نے بتایا کہ گندم کی 100 کلوگرام کراچی میں مارکیٹ پرائس جون 2019 میں 3475 روپے تھی جبکہ گندم کی جون 2020 میں 100 کلوگرام قیمت 4400 روپے سے 4450 کے درمیان ہے۔
Advertisement
انہوں نے مزید بتایا کہ محکمہ خوراک سندھ نے اب تک 1.233 ایم ایم ٹن گندم خریدی ہے۔ 26000 ٹن گندم پچھلے اسٹاک سے موجود ہے۔ سندھ میں آٹے کی قیمت 40 سے 50 روپے ہے۔
وزیر اعلیٰ سندھ نے کہا کہ قیمت ہر صورت کنٹرول ہونی چاہیے۔ ذخیرہ اندوزی کے خلاف سخت اقدامات کیے گئے ہیں۔سندھ حکومت نے گندم کی صوبہ بھر میں نقل وحمل پر پابند عائد کردی تھی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
