نیا پاکستان ہاؤسنگ اسکیم کیلئے 33 ارب روپے کی سبسڈی کی منظوری

سید قاسم رضا

22nd Jul, 2020. 03:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نیا پاکستان ہاؤسنگ اسکیم کیلئے 33 ارب روپے کی سبسڈی کی منظوری

اقتصادی رابطہ کمیٹی (ای سی سی ) کے اجلاس میں نیا پاکستان ہاؤسنگ اسکیم کے لیے 33 ارب روپے کی سبسڈی کی منظوری دے دی گئی۔

تفصیلات کے مطابق مشیر خزانہ ڈاکٹر حفیظ شیخ کی زیر صدارت اقتصادی رابطہ کمیٹی (ای سی سی ) کا اجلاس ہوا۔

ذرائع کا کہنا ہے کہ اجلاس میں مسلح افواج کے لیے پاسکو سے ایک لاکھ پچاس ہزار میٹرک ٹن گندم کی خریداری کی منظوری دی گئی۔نیا پاکستان ہاؤسنگ اسکیم کے لیے 33 ارب روپے کی سبسڈی کی بھی منظوری دی گئی۔

سالانہ کی بنیاد پر نیا پاکستان ہاؤسنگ اسکیم کے لیے 4.77 ارب روپے کی سبسڈی کی مد میں فراہم کیے جائیں گے۔

اجلاس میں بلوچستان منرل ایکسپلوریشن کمپنی لمیٹڈ کے قیام کی بھی منظوری دی گئی۔

وزیراعظم کے زرعی شعبے کے لیے مالیاتی پیکج سے پندرہ ارب روپے پوٹاشیم اور فاسفورس کی خریداری کے لیے منظور دئ گئی۔مالیاتی پیکج کے تحت پہلے یہ پندرہ ارب روپے نائٹروجن کی خریداری کے لیے رکھے گئے تھے۔

نیشنل کمانڈ آپریشن سنٹر اور سرکاری محکموں کے لیے نئے سسٹم کی بھی منظوری دی گئی جس کے لیے چار کروڑ دس لاکھ روپے کی لاگت آئے گی۔