ایم این اے قادر پٹیل نے کہا ہے کہ عزیر بلوچ کی تصاویر تو مولانا طارق جمیل، شاہد آفریدی کے ساتھ تصاویر ہیں تو تحقیقات ان سے بھی جائے۔

تفصیلات کے مطابق پریس کانفرنس کرتے ہوئے ایم این اے قادر پٹیل نے کہا ہے کہ علی زیدی نے میرے حوالے سے بہت باتیں کیں ہیں لیکن عزیر بلوچ کی تصاویر تو مولانا طارق جمیل، شاہد آفریدی کے ساتھ تصاویر ہیں، پھر آپ انکو بھی تفتیش میں لائیں۔

ان کا مزید کہنا تھا کہ واٹس اپ وائرل جے آئی ٹی میں بھارتی ٹینس اسٹار ثانیہ مرزا کانام بھی لکھا ہے تو پھر ثانیہ۔مرزا کو بھی لائیں اور کیس کریں۔

انہوں نے بتایا کہ اداروں کی جانب سے انہوں طلب کیا گیا تو وہ فوری طور پر پاکستان آئے۔

اس سے قبل پاکستان پیپلزپارٹی کے مرکزی رہنما اور صوبائی وزیر نے کراچی میں پریس کانفرنس کرتے ہوئے اس بات کو واضح طور پر کہا ہے کہ پیپلزپارٹی کو ایسے گروہ سے نہ جوڑا جائے جو کرائم کرتا تھا۔

سعید غنی نے بتایا کہ کراچی کی تقریباً تمام سیاسی جماعتوں سے عزیر بلوچ کے روابط تھے جس میں پی ٹی آئی ( حکومتی پارٹی) بھی  شامل ہے۔

انہوں نے اپنی پریس کانفرنس میں بتایا کہ عزیر بلوچ کی جانب سے سیاسی جماعتوں نے مل کر پیپلزپارٹی کے خلاف مظاہرے بھی کرائے گئے تھے  اور اسی وجہ سے لیاری میں اس وقت پیپلزپارٹی کے کارکن کئی ماہ تک اپنے گھروں میں ہی نہیں رہتے تھے۔

انہوں نے مزید بتایا کہ امریکا میں شوکت خانم اسپتال کے لیے تین ملین ڈالر جمع چندہ علی زیدی نے اپنے اکاؤنٹ میں ڈلوایا اور وہ پیسہ علی زیدی سے اکاؤنٹ سے کس نے نکلوایا، علی زیدی سے پوچھا جائے۔