شرومنی اکالی دل (ای) کے جنرل سکریٹری مہیندرپال سنگھ نے کہا  ہے کہ سکھ دہشت گرد نہیں، بھارتی وزات داخلہ اپنی غلطی کی اصلاح کرے۔

تفصیلات کے مطابق سکھ تنظیموں دل خالصہ اور شرومنی اکالی دل نے خالصتان جدوجہد سے وابستہ نو سکھوں کو ’’دہشت گرد‘‘ قرار دینے کے بھارتی حکومت کے اقدام کی مذمت کرتے ہوئے بھارتی وزارت داخلہ سے اپنی غلطی کی اصلاح کرنے کا مطالبہ کیا ہے

دل خالصہ کے صدر ایچ ایس چیمہ نے پٹیالہ میں ایک مشترکہ پریس کانفرنس کرتے ہوئے کہا کہ پہلے کشمیریوں کے حقوق چھین لئے گئے، پھر بھارتی مسلمانوں کو نشانہ بنایا گیا اور اب سکھ راڈار پر ہیں۔

شرومنی اکالی دل (ای) کے جنرل سکریٹری مہیندرپال سنگھ نے یہ بھی کہا کہ نریندر مودی کی سربراہی میں بھارتی حکومت نے اقلیت دشمن پالیسیوں اور ذہنیت کے ساتھ خالصتان تحریک سے وابستہ نو سکھوں کو کالے قانون کے تحت دہشت گردنامزد کیا ہے۔

سکھ زائر ین کے لئے کرتارپور راہدری کو آج کھولا جائے گا

 صدر ایچ ایس چیمہ اور شرومنی کا کہنا تھا کہ بھارتی حکومت کے اشتعال انگیز اور غیر قانونی اقدام کا کوئی جواز یا منطق نظر نہیں آرہی ہے۔

شرومنی اکالی دل (ای) کے جنرل سکریٹری مہیندرپال سنگھ کا یہ بھی کہنا تھا کہ گزشتہ سال 5 اگست کو جموں و کشمیر کے عوام کے حقوق بندوق کی نوک پر چھین لئے گئے، پھر شہریت ایکٹ میں ترمیم کرکے بھارتی مسلمانوں کو نشانہ بنایا گیا اور اب سکھ مودی حکومت کے راڈار پر ہیں۔

صدر ایچ ایس چیمہ اور شرومنی اکالی دل (ای) کے جنرل سکریٹری مہیندرپال سنگھ کا مزید کہ ہم جمہوری ذرائع سے خالصتان کاز کے ساتھ کھڑے ہیں، وقت اس فہرست میں 13 افراد شامل ہیں جن میں چار مسلمان اور نو سکھ ہیں جبکہ یہ سمجھتے ہیں کہ رائے شماری یا ریفرنڈم تنازعات کو حل کرنے کا واحد پر امن طریقہ ہے۔