وزیرخارجہ شاہ محمود قریشی نے کہا ہے کہ سمارٹ لاک ڈاون کے بعد پاکستان میں کورونا وائرس کی عالمی وبا میں کمی آرہی ہے۔

تفصیلات کے مطابق وزیرخارجہ شاہ محمود قریشی سے متحدہ عرب امارات کے ہم منصب کا ٹیلیفونک رابطہ کیا، جس میں دونوں رہنماؤں کے دوران دوطرفہ صورتحال پر تبادلہ خیال کیا گیا۔

شاہ محمودقریشی نے اماراتی ہم منصب کوکوروناسےنمٹنےکے لیے اقدامات سےآگاہ کیا جبکہ پاکستان کے لیے طبی معاونت پر اماراتی وزیرخارجہ کاشکریہ ادا بھی کیا۔

اماراتی وزیر خارجہ عبداللہ بن زاید النہیان نے پاکستان کے وزیر خارجہ شاہ محمود قریشی سے فون پر کہا کہ آپ کی علالت کی خبر سن کر بہت تشویش ہوئی تھی، خوشی ہے کہ آپ روبہ صحت ہیں جس پر شاہ محمود قریشی نے دوران علالت اماراتی وزیرخارجہ کی طرف سےنیک تمناؤں پراظہار تشکر کیا۔

پاکستان نے کورونا پر قابو پانے کیلئے 8ارب ڈالر کا پیکج دیا،وزیرخارجہ

وزیرخارجہ نے مریخ کے لیے پہلے خلائی مشن پر اماراتی وزیر خارجہ کو مبارک باد دی جبکہ اماراتی وزیر خارجہ نے کہا کہ یو اے ای عالمی تعاون سے کرونا ویکسین کی تیاری میں مصروف ہے۔

اس موقع پر وزیرخارجہ شاہ محمود قریشی نے پاکستان میں کرونا کے خلاف کیے جانے والے اقدامات سے آگاہ کرتے ہوئے کہا کہ حکومت کی جانب سے کئےگئے اقدامات خصوصاً مختلف شہروں میں سمارٹ لاک ڈاون کے بعد پاکستان میں کورونا وائرس کی عالمی وبا میں کمی آرہی ہے او ر صحت یاب ہونے والے افراد کی تعداد نئے مریضوں سے زیادہ ہے۔

دونوں وزرائے خارجہ نے صورت حال معمول پر آنے کے بعد جلد ملاقات پر اتفاق کیا۔