گورنر سندھ عمران اسماعیل نے کہا ہے کہ اگر اووربلنگ پر ایک پائی بھی ثابت ہوئی تو کے ای صارفین کوایک ایک پائی واپس کی جائے گی۔

تفصیلات کے مطابق گورنر سندھ عمران اسماعیل نے سماجی رابطے کی ویب سائٹ ٹویٹر پر اپنے ایک پیغام میں کہا کہ میں نے عوام کے ساتھ وعدہ کیا تھا کہ اوور بلنگ کی شکایات کی جانچ پڑتال کریں گے۔

As I promised with ppl of khi to check the over billing complaints, here is an official letter to NEPRA. If any over billing is found every single penny will be refunded to KE consumers. pic.twitter.com/HozQeFIfaX

— Imran Ismail (@ImranIsmailPTI) July 14, 2020

اپنے بیان میں گورنر سندھ عمران اسماعیل نے مزید کہا کہ کے الیکٹرک کے خلاف اوور بلنگ کے حوالے سے نیپرا کو  خط لکھا ہے اور اگر اگر اووربلنگ پر ایک پائی بھی ثابت ہوئی تو کے ای صارفین کوایک ایک پائی واپس کی جائے گی۔

واضح رہے اس سے قبل کے الیکٹرک کے خلاف اوور بلنگ کے الزام پر گورنر سندھ عمران اسماعیل نے چئیرمین نیپرا کو خط میں لکھا کہ کے الیکٹرک سے کراچی کے رہائشی، تاجر سب ہی پریشان ہے۔

مراسلے کے مطابق کے الیکٹرک کے خلاف اوور بلنگ کی شکایات موصول ہوئی ہیں ،تحقیقات کے بعد نیپرا کے الیکٹرک کو اضافی بلنگ کی رقوم فوری واپس کرنے کاپابند بنائے۔

کے الیکٹرک کی اوور بلنگ ، گورنرسندھ کا نیپرا خط

خط میں کہا گیا ہے کہ کے الیکٹرک عام شہری کے لیے برا خواب ثابت ہورہا ہے اور جب اووربلنگ کے خلاف شہری کمپلینٹ کرتے ہیں تو ان سے کہا جاتا ہے پہلے بل جمع کرائیں۔

خط میں یہ بھی لکھا گیا ہے کہ نیپرا زائد بلنگ کا آڈٹ کرے ، عوام حمایت بہتر حکمرانی جاری کیا جائے یہ بلنگ درست ہے کہ نہیں جو بل ادا ہوچکے ہیں ان کا رقم واپس کی جائے

گورنر ہاؤس کی جانب سے نیپرا چیئرمین کو بھیجے جانے والے خط میں مزید کہا گیا ہے کہ چیئرمین نیپرا موجودہ صورت حال کو مدنظر رکھتے ہوئے فوری احکامات جاری کرے۔