سندھ میں یکم اگست سے 30 روز کے لئے دفعہ 144 نافذ کردی گئی ہے۔

تفصیلات کے مطابق محکمہ داخلہ سندھ نے صوبےمیں یکم اگست سے 30روز کے لیے دفعہ 144 نافذ کردی ہے، اس ضمن میں نوٹیفکیشن بھی جاری کردیا گیا ہے۔

نوٹیفکیشن نے مطابق دفعہ 144 کی خلاف ورزی پر متعلقہ ایس ایچ اوز کو کارروائی کا اختیار ہوگا۔

عیدالاضحیٰ کی چھٹیوں کا نوٹیفکیشن جاری

نوٹیفکیشن کے مطابق کراچی سمیت سندھ بھر میں سمندر پر نہانے پر بھی پابندی عائد کردی گئی ہے جبکہ رہائشی علاقوں میں بغیر  سائلنسر موٹر سائیکل چلانے والوں کے خلاف بھی سخت کارروائی ہوگی۔

سندھ حکومت کا عیدالاضحیٰ کی تعطیلات کا اعلان

یاد رہے کہ صوبہ سندھ سمیر ملک بھر میں یکم اگست کو عید الاضحیٰ منائی جائیگی جطکہ سندھ حکومت نے عید الاضحیٰ پر 31 جولائی سے 2 اگست تک تین روزہ تعطیل کا اعلان کردیا۔

سندھ حکومت نے تعطیلات کا نوٹیفکیش جاری کردیا ہے۔

واضح رہے کہ وفاقی حکومت کی جانب سے پہلے ہی عید الاضحیٰ کی تعطیلات کا اعلان کردیا گیا تھا۔

یاس سے قبل وفاقی حکومت نے عید الاضحیٰ پر تین چھٹیاں دینے کا فیصلہ کیا تھا کہ عید الاضحیٰ پر 31 جولائی سے 2 اگست (جمعہ، ہفتہ اور اتوار )کو تین چھٹیاں ہوں گی۔

وزیر اعظم کے معاون خصوصی شہباز گل کا کہنا ہے کہ عید الفطر پر زیادہ چھٹیوں کی وجہ سے لوگوں نے سفر کیا جس کی وجہ سے کورونا وائرس پھیلا اور کورونا کے پھیلاؤ سے لاک ڈاؤن کرنا پڑا جس کی وجہ سے غرباء کو بہت نقصان پہنچا۔

انہوں نے مزید کہا کہ ان تمام چیزوں کو مدِنظر رکھتے ہوئے عید الاضحیٰ پر صرف تین چھٹیوں کا فیصلہ کیا گیا ہے۔

فیصلے کے مطابق عید کے تیسرے دن سرکاری ملازمین کی چھٹی نہیں ہوگی۔