پاکستان پیپلز پارٹی کے چیئرمین بلاول بھٹو زرداری نے کہا ہے کہ عوام عید نہایت سادگی کے ساتھ منائیں جبکہ معاشرتی دوری اور مہلک وباء کے دوران احتیاطی تدابیر پر عمل کریں۔

تفصیلات کے مطابق پاکستان پیپلز پارٹی کے چیئرمین بلاول بھٹو زرداری نے عید قربان پر اپنے ایک پیغام میں کہا کہ دنیا بھر میں بسنے والے مسلمانوں کو عیدالضحی کی مبارکباد دیتا ہو۔

پاکستان پیپلز پارٹی کے چیئرمین نے کہا کہ عید الاضحی ہر مسلمان کو ایک اعلیٰ مقصد کی خاطر قربانی دینے کے لئے ہمہ وقت تیار رہنے کی یاد دہانی کراتی ہے۔

 بلاول بھٹو زرداری نے یہ بھی کہا کہ آج ہر مسلمان کو اپنی انا کو قربان کرنے کا عزم کرنا ہوگا جبکہ انا کی قربانی کے ساتھ ساتھ ایک عظیم مقصد کے لیئے اتحاد اور اس پر عمل کے لیے اتحاد کے لیئے کام کرنا ہوگا۔

 پاکستان پیپلز پارٹی کے چیئرمین کا کہنا تھا کہ عیدالاضحیٰ کے اس پرمسرت موقعہ پر حکمران اپنی پھولی ہوئی انا کو چھوڑ دیں جبکہ حکمران عوام کو اس حقیقی مقصد و کاز کے لئے متحد کرنے کی کوشش بھی کریں۔

عید الاضحی کی چھٹیوں میں اضافہ کردیا

بلاول بھٹو زرداری کا یہ بھی کہنا تھا کہ میں عوام کو بھی اپیل کرتا ہوں کہ وہ اپنے غریب بھائیوں کو بھی عید کی خوشیوں میں یاد رکھیں اور انہیں عید کی خوشیوں میں شامل کیا جائے جو غربت کے باعث زندگی کی بنیادی ضروریات سے محروم ہیں۔

پاکستان پیپلز پارٹی کے چیئرمین بلاول بھٹو زرداری کا مزید کہنا تھا کہ اسلام ہمیں درس دیتا ہے کہ دوسروں کے ساتھ سخاوت سے پیش آنے والوں کو اللہ تعالیٰ اپنے فضل و کرم سے دگنا عطا کرتا ہے جبکہ اسلام کا پیغام معاشرتی انصاف کا پیغام ہے اور معاشرتی انصاف کے ذریعے ہم زندگی میں ایک اعلی مقصد حاصل کر سکتے ہیں۔