وفاقی وزیر دفاع  پرویز خٹک نے کہا ہے کہ پاکستان مختلف شعبوں میں اٹلی کے ساتھ دفاعی تعاون کو مزید بڑھانا چاہتا ہے۔

تفصیلات کے مطابق اٹلی کے سفیر آندریاس فیریس نے وفاقی وزیر دفاع  پرویز خٹک سے آج اسلام آباد میں ملاقات کی جس میں مشترکہ دفاعی پیداوار کے میدان میں باہمی تعاون کے شعبوںمیں تسخیر پر بھی زور دیا۔

ملاقات کے دوران پاک افغان بارڈر کے ساتھ سلامتی کی تازہ ترین صورتحال اور خطے میں امن و استحکام کے لئے پاکستان کے عزم پر تبادلہ خیال ہوا۔

اس موقع پر وفاقی وزیر نے پاک فضائیہ کو فوجی سازوسامان کی فراہمی میں سہولت فراہم کرنے پرممنونیت کا اظہارکیا جبکہ افغانستان میں اٹلی کے کردار، شراکت اور قربانیوں کو سراہا۔

پاکستان کی مسلح افواج جو دہشت گردی کے خلاف جنگ لڑ رہی ہیں جن کو دہشت گردی کے خلاف کارروائیوں کا زبردست تجربہ ہے۔

عثمان ڈار کی وزیر دفاع پرویز خٹک سے ملاقات

 وزیر دفاع نے بتایا کہ پاکستان اور اٹلی کے مابین دفاعی تعاون 60 کی دہائی میں قائم ہوا تھا جبکہ پچھلے کچھ سالوں میں اس میں مستقل اضافہ ہوا ہے۔

دفاعی تعاون کے وسیع ڈومین پر اعلی سطح کے دوروں، فوجی تربیت اور دفاعی سازو سامان کی خریداری کے ذریعہ حکمرانی کی جاتی ہے۔

 وزیر دفاع نے یہ بھی بتایا کہ تبادلہ شدہ فوجی تربیت باہمی فائدہ مند ثابت ہوسکتی ہےکیونکہ نیٹو کا حصہ ہونے کی وجہ سے اطالوی مسلح افواج کے پاس قیمتی فوجی ایکسپورز مو جود ہے ۔

وفاقی وزیر نے کہا کہ پاکستان جمہوریہ اٹلی کے ساتھ اپنے تعلقات کو بہت اہمیت دیتا ہے اور مختلف شعبوں میں دفاعی تعاون کو مزید بڑھانا چاہتا ہے۔