صوبائی وزیر برائے تعلیم سندھ سعید غنی نے کہا کہ کل میں ایک ٹوئٹ کیا تھا کہ موجودہ نیازی حکومت نااہل نالائق ہے کیونکہ حکومت نے اپوزیشن کے خلاف کارروائیوں کا سلسلہ شروع کیا ہوا ہے کہ جو ان کے خلاف بولتا ہے اس کے خلاف کاروائیاں کرتے ہیں۔
سعید غنی نے کہا میں نے 25 جون کو بتایا تھا کہ مہا چول نے اے این ایف کو خط لکھا ہے لیکن اس طرح کے ہتھکنڈے میرے حوصلے پست نہیں کرسکتے ہیں کیونکہ جس رپورٹ کی بنیاد پر یہ کہانی گڑی جارہی ہے وہ رپورٹ جنوری 2018 کی ہے۔
صوبائی وزیر نے بتایا کہ میرے بھائی کے بارے میں بات کی گئ لیکن اس کا بھی کوئی ثبوت نہیں ہے کیونکہ کوئی ایف آئی آر کاٹی ہے اور نہ ہی کوئی گرفتاری ہوئی ہے۔
انہوں نے بتایا کہ دسمبر 2017 میں فیصل کو ماروائے عدالت قتل کیا گیا اس وقت میں اے ڈی خواجہ کے گھر گیا ان کو بتایا کہ وہ قتل کے خلاف کارروائی کی جائے لیکن اب جب میں کلیم امام کے خلاف کے بولا تو یہ رپورٹ سامنے آگئی، اپوزیشن کی ایک کمیٹی بنادی گئی۔
انہوں نے یہ بھی بتایا کہ انہوں نے وزیر اعلیٰ سے درخواست کی تھی کہ اس رپورٹ کی اچھے پولیس افسر سے تصدیق کرائیں۔
صوبائی وزیر نے کہا کہ میں علی زیدی کی باتوں کو بار بار چیلنج کرتا ہوں کہ میرے ساتھ بیٹھیں۔
انہوں نے بتایا کہ امن کمیٹی سے رابطے کے لیے عمران اسماعیل، علی زیدی اور عارف علوی نے کمیٹی بنائی۔
وفاقی وزیر علی زیدی کے حوالے سے انہوں نے بتایا کہ علی زیدی نے لندن میں شوکت خانم کی فنڈ ریزنگ کے 3ملین اپنے اکاؤنٹ میں ڈلوائے، اس وقت یہ لندن میں ایم کیو ایم کے خلاف ڈرمہ بازی کررہے تھے۔
ان کا کہنا تھا کہ یہ حکومت کورونا سے لوگوں کی توجہ ہٹانا چاہتی ہے اور عوامی اشوز کو لوگوں کو بھلانا چاہتی ہے لیکن ہم پر جو الزام لگاٸے جاتے ہیں ان کا جواب دینا ہماری ذمہ داری ہے جو بہ حالت مجبوری کیا جاتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News