اب تک صوبہ سندھ میں گزشتہ ایک ماہ کے دوران سیکیورٹی اداروں  پر 6 دستی بم حملے کیے گئے ہیں۔

تفصیلات کے مطابق سندھ میں گزشتہ ایک ماہ کے دوران سیکیورٹی اداروں پر 6 دستی بم حملے کیے گئے جس میں سے چار حملے کراچی کے مختلف علاقوں میں کیے گئے جبکہ تازہ ترین حملے سچل کے علاقے غازی گوٹھ  میں بیکری کے اندر  موٹر سائیکل سوار دہشتگردوں کی جانب سے دستی بم پھینکا گیا۔

 کراچی کے علاقے سچل بلاول گوٹھ میں حملے کے نتیجے میں بیکری مالک ریٹائرڈ  رینجرز اہلکار عاشق حسین جانبحق ہوگیا، واقعہ کے بعد ایس ایچ او سچل انسپیکٹر صفدر عباسی کو عہدے سے ہٹادیا گیا۔

پولیس اور قانون نافز کرنے والے اداروں نے واقعہ کی سی سی ٹی وی فوٹج حاصل کرکے تفتیش شروع کردی ہےجبکہ بم ڈسپوزل اسکارڈ کے مطابق دیسی ساختہ جی ڈی ون گرینڈ کی مدد سے دہشتگردوں نے دھماکا کیا۔

سچل میں دستی بم حملہ، ابتدائی رپورٹ تیار

واضح رہے کہ  اس سے قبل کراچی کے علاقے گلستان جوہر بلاک 5 ، شاہ لطیف ٹاون اور لیاقت آباد کے مقامات پر بھی دہشتگردوں کی جانب سے قانون نافز کرنے والے رینجرز کے اہلکاروں کو نشانہ بنایا جا چکا ہے جبکہ کہ اندرون سندھ گھوٹکی اور لاڑکانہ میں بھی دہشتگرد رینجرز اہلکاروں کو دستی بم و کریکیر حملوں میں نشانہ بنا چکے ہے۔

 سیکیورٹی ذرائع کے مطابق  دشترگردی کی رواں لہر کے دوران سیکیورٹی اداروں کو نشانہ بنانے میں قوم پرست گروہوں سے منسلک دہشتگردون کے ملوث ہونے کے ٹہوس شواہد ملے ہیںجن کے حوالے سے پولیس اور قانون نافض کرنے والے ادارے مزید تحقیقات کو آگے بڑھانے میں مصروف عمل ہیں۔