وزیر اعظم عمران خان کی زیر صدارت وفاقی کابینہ کا اجلا س منعقد ہوا جس میں اہم تقرری اور تبادلوں کی منظوری دی گئی ہے۔
ذرائع کا کہنا ہے کہ عثمان ناصر کو ایم ڈی پاکستان سافٹ ویئر ایکسپورٹ بورڈ تعینات کرنے کی منظوری دے دی گئی ہے جبکہ ایس ای سی پی کے آڈٹ کے لیے ہارورتھو حسین چوہدری کمپنی کی خدمات حاصل کرنے کی منظوری کابینہ کی جانب سے دی گئی ہے۔
ارکان پارلیمنٹ کی ترقیاتی اسکیموں سے متعلق قواعد میں تبدیلی کی منظوری کابینہ اجلاس میں دی گئی ہے اور اسلام آباد مرغزار چڑیا گھر وزارت موسمیاتی تبدیلی کے حوالہ کرنے کی منظوری بھی دے دی گئی ہے۔
دوسری جانب کابینہ میں دو روز پہلے کراچی اسٹاک ایکسچینج پر حملے کی مذمت کی گئی اور کابینہ کی جانب سے پولیس، رینجرز اور سیکیورٹی گارڈز کی بروقت کارروائی کی تعریف بھی کی گئی۔
کابینہ نے کراچی حملہ کے شہداء کی جرات و بہادری کو سراہا بھی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
