پاکستان کے امریکہ میں سفیر اسد مجید خان نے کہا ہے کہ کشمیر دوہرے لاک ڈاؤن کا شکار ہےبھارتی حکومت نے کورونا وباء کے دوران ظلم وستم کی انتہا کر دی ہے اور 80 لاکھ کشمیریوں کو 5 اگست   2019 سے محصور کر رکھا ہے۔

تفصیلات کے مطابق امریکہ میں پاکستانی سفیر ڈاکٹر اسد مجید نے امریکی اخبار کے زیر انتظام ویبینار میں شرکت کے دوران مقبوضہ کشمیر میں انسانی حقوقِ کی تازہ ترین صورتحال کو اجاگر کیا اپنے خطاب میں ‏ڈاکٹر اسد مجید خان نے کہا ‏کشمیر دوہرے لاک ڈاؤن کا شکار ہےبھارتی حکومت نے کورونا وباء کے دوران ظلم وستم کی انتہا کر دی ہے اور 80 لاکھ کشمیریوں کو 5 اگست   2019 سے محصور کر رکھا ہے ۔

انہوں نے بتایا کہ بھارتی قابض افواج مقبوضہ جموں و کشمیر میں طاقت کا بےدریغ استعمال کر رہی ہیں۔

پاکستانی سفیراسد مجید کا کہنا تھا کہ مقبوضہ جموں و کشمیر میں ‏آبادی کے تناسب میں تبدیلی کا بھارتی اقدام سلامتی کونسل اورعالمی قوانین کے خلاف ہے۔

ان کا کہنا تھا کہ مقبوضہ ‏کشمیر کی بگڑتی ہوئی صورتحال سے جنوبی ایشیاء میں امن کو شدید خطرات لاحق ہیں بھارتی افواج مقبوضہ کشمیر میں پیلٹ گنز کا بے دریغ استعمال کر رہی ہیں مقبوضہ کشمیر میں بھارت کے ہاتھوں غیر قانونی گرفتاریوں کا سلسلہ بھی جاری ہے۔

انہوں نے مزید کہا کہ حال ہی میں مودی حکومت نے ایک نئے آرڈیننس کا اجراء کیا ہے تاکہ مقبوضہ کشمیر میں آبادی کے تناسب میں ردوبدل کیا جاسکے۔

پاکستانی سفیر نے واضح کیا کہ بھارتی اقدامات سلامتی کونسل اور بین الاقوامی قوانین کی صریحاً خلاف ورزی ہیں مقبوضہ کشمیر میں تیزی سے بگڑتی ہوئی صورتحال سے جنوبی ایشیاء میں امن و سلامتی کو شدید خطرات لاحق ہیں۔

سفیر نے اپنے خطاب میں بتایا کہ حکومت پاکستان نے اسمارٹ لاک ڈاؤن متعارف کروایا تاکہ بڑھتے ہوئے کیسسز پر تیزی سے قابو پایا جاسکے۔

حکومت پاکستان نے “احساس” پروگرام کے تحت غریب ترین طبقے کو کیش ادائیگیاں کیں تاکہ وہ کرونا وائرس کی وباء کا احسن طریقے سے مقابلہ کر سکیں عالمی برادری مقبوضہ کشمیر میں ہونے والے ظلم و ستم کے خلاف آواز بلند کریں۔