گورنر خیبرپختونخوا شاہ فرمان کی جانب سے عید الاضحی پراحتیاط برتنے کی اپیل کر دی۔

تفصیلات کے مطابق گورنر خیبرپختونخوا شاہ فرمان نے پشاور ایئر پورٹ سے ملحقہ علاقوں میں مقیم عوام علاقہ سے اپیل کی ہے کہ وہ ایک مہذب اور زمہ داری شہری ہونے کا ثبوت دیتے ہوئے ایئر پورٹ کے ساتھ کھلی اور خالی جگہوں پر کوڑا کرکٹ اور گندگی پھینکنے سے اجتناب برتیں۔

شاہ فرمان نے کہا کہ خوراک کی غرض سے منڈلاتے پرندے گندگی والی جگہوں کا رخ کرتے ہیں جبکہ ایئر پورٹ پر لینڈنگ اور ٹیک آف کے دوران جہاز سے ٹکرا جاتے ہیں جس سے جہاز کے گرنے جیسا بڑا حادثہ رونما ہو سکتا ہے۔

گورنر خیبرپختونخوا نے یہ بھی کہا کہ بحثیت مسلمان ہمارے لئے صفائی نصف ایمان کا درجہ رکھتی ہے، کھلی یا خالی جگہوں پر گندگی پھیلانا ایک مسلمان کو زیب نہیں دیتا۔

شاہ فرمان کا کہنا تھا کہ ایئر پورٹ کے گردو نواح علاقوں میں مقیم عوام پر بھاری زمہ داری بنتی ہے کہ وہ صفائی کا خاص خیال رکھیں۔

گورنر خیبرپختونخوا شاہ فرمان کا مزید کہنا تھا کہ بالخصوص عید الضحی کے موقع پر جانوروں کی الایئشوں کو ضلعی حکومت کی جانب سے صرف مختص کردہ محفوظ جگہوں پر ضائع کریں تاکہ ایئر پورٹ پر جہازوں کی آمدورفت میں خلل نہ پڑے اور جہاز میں سوار انسانی قیمتی جانوں کو بھی محفوظ بنایا جا سکے۔