ضلعی انتظامیہ لاہور نے شہر کے سات  نئے علاقوں میں سمارٹ لاک ڈاؤن کا فیصلہ ایک دن کے لئے موخر کر دیا۔

تفصیلات کے مطابق لاہور میں کروونا وائرس کی روک تھام کے لئے ضلعی انتظامیہ لاہور نے شہر کے سات  نئے علاقوں میں لاک ڈاون کا فیصلہ ایک دن کے لئے موخر کر دیا جس کے تحت سمارٹ لاک ڈاون آج نہیں کل بروز جمعرات رات بارہ بجے ہو گا ۔

ذرائع کا کہنا ہے کہ لاک ڈاون ایک روز کے موخر سات علاقوں کے شہریوں کی ضرورتوں کو مد نظر رکھتے ہوئے کیا کیا۔

ڈی سی لاہور دانش افضال نے کہا کہ ان علاقوں میں کروونا مریضوں کی تعداد رپورٹ ہو رہی ہے، علاقوں میں ٹاون شب اے ٹو بلاک، ڈی ایچ اے ای ایم ای سوسائٹی ( مکمل)  شامل ہے۔

ڈی سی لاہور دانش افضال نے یہ بھی کہا کہ واپڈا ٹاون (مکمل) ، جوہر ٹاون سی بلاک، چونگی امر سدھو مین بازار اور ملحقہ ابادی، پنجاب گورنمنٹ اسکیم اور گرین سٹی شامل ہے اور ان علاقوں میں سمارٹ لاک ڈاون کل رات بارہ بجے کیا جائے گا۔

ڈی سی لاہور دانش افضال نے مزید کہا کہ مذکورہ علاقوں میں ایک ہفتہ کے لیے سمارٹ لاک ڈاون لگایا جا رہا ہے۔

لاہور ، 7 علاقوں میں سمارٹ لاک ڈاؤن کا فیصلہ

 یاد رہے اس سے قبل لاہور میں کورونا کا خطرہ اب بھی برقرارہے جس کے باعث  7 علاقے ہاٹ سپاٹ میں آگئے، 68 علاقے کھلنے کے بعد اب  7 علاقوں میں سمارٹ لاک ڈاؤن کا فیصلہ کیا گیا تھا۔

ذرائع کے مطابق واپڈا ٹاؤن، ای ایم ای سوسائٹی کو مکمل بند کرنے کا فیصلہ کیا گیا ہے، اس کے علاوہ جوہر ٹاؤن، گرین ٹاؤن، چونگی امر سدھو، ٹاؤن شپ میں سمارٹ لاک ڈاؤن ہوگا۔

قائداعظم انڈسٹریل سٹیٹ کے کچھ حصوں میں بھی لاک ڈاؤن کیا جائے گا جبکہ تمام علاقوں میں آج رات 12 بجے لاک ڈاؤن ہو جائے گا۔

واضح رہےکہ ڈپٹی کمشنر لاہور کا اس سلسلے میں کہنا تھا کہ 3 ہفتے میں کیے جانے والے سمارٹ سیمپلنگ کے نتائج آگئے ہیں، کیسز زیادہ ہونے پر لاک ڈاؤن کا فیصلہ کیا گیا۔