پہلا نشان حیدر پانے والے پاکستان کے عظیم سپوت جانباز کیپٹن محمد سرور شہید کا آج 72 واں یوم شہادت منایا جارہا ہے۔

پاک فوج کےشعبہ تعلقات عامہ (آئی ایس پی آر) کے ڈائریکٹرجنرل میجرجنرل بابر افتخار نے کیپٹن محمد سرور شہید کی یوم شہادت کے موقع پرسماجی رابطے کی ویب سایٹ ٹویٹر پر  اپنے ایک پیغام میں قوم 1948 کی کشمیر جنگ میں نشان حیدر پانے والے کیپٹن محمد سرور شہید کی عظیم قربانی کو خراج عقیدت پیش کرتی ہے۔

Nation venerates supreme sacrifice of Capt Muhammad Sarwar Shaheed, NH, #Kashmir War 1948. His insurmountable courage & unwavering loyalty will forever be an epitome of valiance. Every bullet he took 4 country, for Kashmir, strengthens our resolve to defend Pakistan at all cost.

— DG ISPR (@OfficialDGISPR) July 26, 2020

اپنے پیغام میں میجرجنرل بابر افتخار نے کہا کہ کیپٹن محمد سرور شہید کی ناقابل تسخیر جرات ہمیشہ یاد رکھی جائے گی۔

ڈی جی آئی ایس پی آر میجرجنرل بابر افتخار نے مزید کہا کہ کیپٹن محمد سرور شہید کی وطن سے غیر متزلزل وفاداری بہادری کا استعارہ رہے گی جبکہ کشمیر اور وطن کی خاطران کےسینےپرلگی ہرگولی  دفاع وطن کے عزم کو مزید جلا بخشتی ہے۔

پاک فوج نے ایک اور بھارتی ڈرون مار گرایا، ڈی جی آئی ایس پی آر

خیال رہے کہ مادر وطن کی خاطر بیرونی دشمنوں کے خلاف جنگ لڑنے والے کیپٹن سرور شہید دہشت گردوں اور اندرونی چیلنجز سے نبرد آزما پاک فوج کے جری سپوتوں کے لئے بہادری کی روشن مثال ہیں۔

ستائیس جولائی 1948ء جب ان کی بٹالین نے اڑی سیکٹر میں دشمن کی ایک اہم پوزیشن پر حملہ کیا تو اس حملے کے دوران انہوں نے جرات کا مظاہرہ کرتے ہوئے جام شہادت نوش کیا جبکہ ستائیس اکتوبر 1959ء کو انہیں نشانِ حیدر کے اعلیٰ ترین اعزاز سے نوازا گیا، انہیں پہلا نشانِ حیدر پانے کا اعزاز بھی حاصل ہے۔