امیرجماعت اسلامی سینیٹر سراج الحق نے کہا ہے کہ وزیروں اور مشیروں کی فوج قومی خزانے پر بوجھ ہے۔

تفصیلات کے مطابق امیر جماعت اسلامی سینیٹر سراج الحق نے حکومت پر تنقید کرتے ہوئے کہا کہ حکومتی کنڑول آدھی درجن مافیاز نے سنبھال رکھا ہے ، جدھر نظر اٹھائیںلینڈ ، ڈرگ،شوگر،گندم ،آئل مافیاز اور کرپٹ اشرافیہ کا راج ہے ۔

 سراج الحق نے کہا کہ وزیراعظم نے کسی اہلیت کے بغیر اپنی پسند اور ناپسند کی بنیاد پروزیر وں اور مشیروں کوبھرتی کیا جبکہ حکومت کا ٹائی ٹینک اس کے اپنے بوجھ سے ہی ڈوبنے والا ہے ۔

امیرجماعت اسلامی سینیٹر نے یہ بھی کہا کہ عوام کو دووقت کے کھانے کے لالے پڑے ہوئے ہیں ، دوہری شہریت والے دوہری عیش کررہے ہیں۔

حکومت تمام محاذوں پر ناکام ہوچکی ہے، سراج الحق

سراج الحق کا کہنا تھا کہگندم بحران کے ذمہ داروں کو کٹہرے میں لانے کی ضرورت ہے جبکہ جوحکومت ساٹھ لاکھ میٹرک ٹن گندم کی حفاظت نہیں کرسکی وہ قومی خزانے کی حفاظت کیسے کرسکتی ہے ۔

امیرجماعت اسلامی سینیٹر سراج الحق کا مزید کہنا تھا کہ الخدمت فاﺅنڈیشن اور جماعت اسلامی کے کارکنان نے کراچی سے چترال تک کرونا متاثرین کی خدمت کی جبکہ الخدمت فاﺅنڈیشن کی امدادی سرگرمیوں کی تعریف عوام، اور قومی و بین الاقوامی اداروں نے بھی کی ہے۔