ڈبلیو ڈبلیو ایف کی اسلام آباد چڑیا گھر میں شیر کی موت کی مذمت

انور عباس

31st Jul, 2020. 03:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈبلیو ڈبلیو ایف کی اسلام آباد چڑیا گھر میں شیر کی موت کی مذمت

عالمی ادارہ برائے جنگلی حیات (ڈبلیو ڈبلیو ایف )پاکستان نے اسلام آباد چڑیا گھر میں شیر کی موت کی شدید الفاظ میں مذمت کی ہے۔

تفصیلات کے مطابق عالمی ادارہ برائے جنگلی حیات (ڈبلیو ڈبلیو ایف )پاکستان کا کہناہے کہ اسلام آباد چڑیا گھر میں شیر کے ساتھ ناروا سلوک کی مذمت کرتے ہیں۔

ڈبلیو ڈبلیو ایف پاکستان کا کہنا ہے کہ ہم سوشل میڈیا پر نمودار ہونے والی ویڈیوز پر شدید تحفظات کا اظہار کرتے ہیں،جانوروں کے ساتھ ایسا سلوک مکروہ اور ناقابل قبول ہے۔

ڈبلیو ڈبلیو ایف پاکستان کا کہنا ہے کہ ہم اسلام آباد وائلڈ لائف مینجمنٹ بورڈ پر شدید مایوسی کا اظہار کرتے ہیں اور امید کرتے ہیں کہ اس معاملے میں ملوث افراد کو انصاف کے کٹہرے مین لایا جائے گا۔

ڈبلیو ڈبلیو ایف پاکستان نے احتجاجی طور پر اسلام آباد وائلڈ لائف مینجمنٹ بورڈ سے علیحدگی کا اعلان کردیا۔

یاد رہے کہ ڈبلیو ڈبلیو ایف پاکستان گذشتہ کئی برس سے اسلام آباد وائلڈ لائف مینجمنٹ بورڈ میں شامل تھا۔