سیکرٹری جنرل پی پی پی نیر بخاری نے کہا ہے کہ حکومتیں زبانی جمع خرچ اور لارے لپوں سے نہیں ذمہ دارانہ طرز عمل سے چلتی ہیں۔

 تفصیلات کے مطابق سیکرٹری جنرل پی پی پی نیر بخاری نے اپنے ایک بیان میں  حکومت پر تنقید کرتے ہوئے کہا کہ ٹڈی دل کے فصلوں پر حلموں کے تدارک کیلئے کوئی حکومتی حکمت عملی موجود نہیں۔

نیر بخاری نے کہا کہ پاکستان پیپلز پارٹی نے حکومتی کارکردگی پر سوالات اٹھا دئے جبکہ گڈ گورننیس کے دعویداران کی بیڈ گورنس پر عدلیہ بھی مہر تصدیق کر رہی ہے۔

اپنے بیان میں سیکرٹری جنرل پی پی پی نے کہا کہ پی ٹی آئی حکومت میں انسداد بدعنوانی کی بجائے بدعنوانی کا پھیلاؤ اور حجم بڑھتا چلا رہا ہے۔

نیر بخاری کا کہنا تھا کہ آٹا چینی پٹرول سیکنڈلز میں وزیراعظم کی ناک تلےحکومتی مالیاتی مافیاز کو اربوں روپے کا فائدہ پہنچا جبکہ انجمن لوٹ مار بمعہ سربراہ روز بروز بے نقاب ہو رہی ہے۔

سیکرٹری جنرل پی پی پی کا یہ بھی کہنا تھا کہ خیبر پختونخواہ میں بلین ٹری پراجیکٹ میں سنگین بے ضابطگیاں خرد برد پر “نہیں چھوڑونگا “کی آواز بند ہے۔

سید نیر حسین بخاری نے وفاقی بجٹ کو عوام دشمن قرار دے دیا

نیر بخاری نے کہا کہ سندھ میں صنعتوں کو گیس و بجلی فراہمی بندش سے بے روزگاری کا سونامی آییگا جبکہ ایک کروڑ نوکریاں دینے والے لاکھوں مزدوروں کے چولہے ٹھنڈے کرنے کے درپے ہیں۔

سیکرٹری جنرل پی پی پی نیر بخاری نے مزید کہا کہ سیکرٹری جنرل پی پی پی نیر بخاری پنجاب میں مصنوعی گندم آٹا بحران سے روٹی 10روپے اور حکومت تماشائی ہے جبکہ نالائق کپتان اور نااہل ٹیم کی لاپرواہی کیوجہ سے پنجاب کے 7شہروں میں سمارٹ لاک ڈاون ہے۔