سینیٹر سراج الحق نے کہا ہے کہ حکومت آئی ایم ایف کے ساتھ کئے جانے والے معاہدوں پر ایک بار پھر نظر ثانی کریں۔

سراج الحق نے کہا ہے کہ آئی ایم ایف سے معاہدوں کا اصل مقصد معیشت ٹھیک کرنا نہیں ہے بلکہ اپنے ایجنڈے کی تکمیل ہے ۔

انہوں نے اپنے بیان میں واضح کیا ہے کہ جب تک آئی ایم ایف کے ایجنڈے پر چلتے رہے تو ملکی معیشت کبھی سنبھل نہیں سکتی ہے کیونکہ آج بھی حکومت تمام تر وعدوں، بلندوبانگ دعوﺅں کے باوجو د مہنگائی اور بے روز گاری پر قابو پانے میں ناکام رہی ہے۔

ان کا مزید کہنا تھا کہ وزیر اعظم عوام کو مہنگائی، بے روز گاری، غربت سے بچانے اور تعلیم و صحت کی سہولتیں دینے کی طرف توجہ دیں لیکن وفاقی وزراء تو خود اپنی ناکامی کا اعتراف کررہے ہیں۔

سراج الحق ا کہنا تھا کہ حکومت نے اوور سیز پاکستانیوں کے ساتھ ظلم وجبر کی انتہا کردی ہے کیونکہ سرکاری ایجنٹ بلیک میں ٹکٹ بیچ کر لاکھوں روپے کما رہے ہیں۔

اس سے قبل جے یو آئی کے تحت ہونے والی آل پارٹیز کانفرنس کے بعد مولانا فضل الرحمان نے پریس کانفرنس کی جس میں انہوں نے واضح کیا کہ حکومت اور ریاستی ادارے ایک بیچ پر نہیں ہیں۔

انہوں نے بتایا کہ مرکزی سطح پر بھی آل پارٹیز کانفرنس کا انعقاد کریں گے کیونکہ جب تک ایک دوسرے کا مکمل ساتھ نہیں دیں گے، مسائل حل نہیں ہوسکتے ہیں۔

انہوں نے مزید کہا کہ اس حکومت کے پانچ سال پورے کرنا قوم کو بد دعا دینا ہے کیونکہ حکومت اور عوام ایک بیچ پر نہیں ہے۔