وزیراعظم عمران خان کے بلین ٹری سونامی منصوبے کو عالمی سطح پر پذیرائی ملنا شروع ہوگئی جس کے تحت امریکا، فرانس، پیرس کی عالمی ماحولیاتی تنظیموں کے نمائندوں نے وزیر اعظم کو تعریفی خط ارسال کردیا۔

تفصیلات کے مطابق امریکا، فرانس، پیرس کی عالمی ماحولیاتی تنظیموں نے کورونا کے دوران وزیراعظم عمران خان کے بلین ٹری سونامی منصوبے کو روشن مثال قرار دیدیا ۔

عالمی تنظیموں نے اپنے خط میں کہا کہ ماحولیات سےمتعلق وزیراعظم عمران خان کی کوششیں دنیا کے لیے مثالی ہیں۔

وزیر اعظم صاحب!  آپ نے اپنے اقدامات سے بحران کی صورتحال کو مواقعوں میں بدل دیا، موسمیاتی تبدیلیوں کے خطرے کے پیش نظر آپ کا یہ انتہائی اہم اقدام ہے۔

وزیر اعظم عمران خان صاحب!  اپ کے اقدام سے کورونا کے خلاف جنگ لڑنے میں مدد ملی جبکہ کورونا کی وبائی ایمرجنسی میں آپ نے  لوگوں کو درخت لگانے کا باعزت روزگار فراہم کیا اور عالمی ایمرجنسی میں گرین جابز سے لوگوں کو مالی اور ماحولیاتی فائدہ ہوا ۔

سبسڈی کا مقصد غریب افراد کو ریلیف فراہم کرنا ہے ، وزیراعظم

دنیا کے کئی ممالک میں جنگلات آتشزدگی سے تباہ ہورہے ہیں، موسمیاتی تبدیلی کا آپ کا ویژن قابل تعریف ہے اور ہم پوری عالمی برادری کی طرف سے آپ کا شکریہ ادا کرتے ہیں۔

وزیراعظم عمران خان! آپ کی کاوشیں دنیا کے لیے روشن مثال ہیں، مشکل صورتحال میں آپ کی شجرکاری مہم ایک حیرت انگیز اقدام ہے۔

پاکستان میں  آپ کے ویژن کے مطابق  جنگلات کو بچایا اور درختون کو اگایا جارہا ہے جبکہ بلین ٹری سونامی منصوبہ بھی دنیا بھر کے لیے ایک اعلیٰ مثال ہے  اور اب بلین ٹری 10 بلین ٹری میں بدل گیا، یہ منصوبہ ماحولیاتی تبدیلی مین مدد گار ہوگا۔