سابق وزیراعظم نواز شریف کی  ایک ایسی ہی تصویر سامنے آ گئی ہے جس میں لندن کے موسم سے محظوظ ہونے کے لیے  گھر سے باہر آگئے۔

تفصیلات کے مطابق لندن میں بارش کے بعد موسم خوشگوار ہوا تو سابق وزیر اعظم نواز شریف بیماری کی پرواہ کیے بغیر چہل قدمی کرنے باہر نکل آئے ان کی پارک لین میں چہل قدمی کی تصویروائرل ہوگئی جس میں ان کے بیٹے حسن نواز اپنے والد پر چھتری تانے ساتھ ساتھ چلتے دکھائی دیئے۔

دوسری جانب معاون خصوصی برائے سیاسی روابط ڈاکٹر شہباز گل اس موقع کو ہاتھ سے کیسے جانے دیتے فورا تنقید کے نشتر چلا دیئے ۔

ڈاکٹر شہباز گل نے سماجی رابطے کی ویب سائٹ ٹویٹر پر اپنے ایک پیغام میں کہا کہ سمجھ نہیں آتی کیسے کوئی صحت پر اتنی غلط بیانی کر سکتا ہے۔

Advertisement

سمجھ نہیں آتی کیسے کوئی صحت پر اتنی غلط بیانی کر سکتا ہے۔یہ وہ مریض ہیں جو بقول مریم صفدر کہ “مرنے لگا تھا” انہوں نے مال پانی بزنس اولاد علاج لندن میں رکھنا ہے اور حکومت پاکستان میں کرنی ہے۔بیٹوں پر پاکستان کا قانون نافذ نہیں ہوتا اور بیٹی قوم کی بیٹی اور لیڈر ہے۔ کون لوگ او تسی pic.twitter.com/qFUD2sTtIw

— Dr. Shahbaz GiLL (@SHABAZGIL) August 19, 2020

اپنے پیغام میں ڈاکٹر شہباز نے کہا کہ یہ وہ مریض ہیں جو بقول مریم صفدر کہ “مرنے لگا تھا” انہوں نے مال پانی بزنس اولاد علاج لندن میں رکھنا ہے اور حکومت پاکستان میں کرنی ہے۔

معاون خصوصی برائے سیاسی روابط ڈاکٹر شہباز گل نے مزید کہا کہ بیٹوں پر پاکستان کا قانون نافذ نہیں ہوتا اور بیٹی قوم کی بیٹی اور لیڈر ہے۔

خیال رہے کہ تین بار وزیراعظم رہنے والے نواز شریف متعدد بیماریوں کے باعث علاج کی غرض سے لندن میں مقیم ہیں۔