صدر مملکت ڈاکٹر عارف علوی نے کہا ہے کہ حکومت عام آدمی اور معاشرے کے کمزور طبقے کے مسائل سے پوری طرح آگاہ ہے اور اس لئے مزدور طبقے کیلئے معیشت کو کھلا رکھنا حکومت کا جرات مندانہ فیصلہ تھا۔

تفصیلات کے مطابق صدرڈاکٹرعارف علوی سے انجمن تاجران سندھ کے وفد کی کراچی میں ملاقات ہوئی ہے جس میں کورونا وباء کے بعد تاجر برادری کو درپیش مسائل کے حوالے سے تبادلہ خیال کیا گیا ہے۔

 ملاقات کے دوران صدر مملکت ڈاکٹر عارف علوی کا کہنا تھا کہ پبلک مقامات پر ایس او پیز پر عمل درآمد یقینی بنایا جائے۔

صدر عارف علوی کا پبلک مقامات پر ایس او پیز پر عمل درآمد پر زور دیتے ہوئے کہا ہے کہ حکومت عام آدمی اور معاشرے کے کمزور طبقے کے مسائل سے مکمل طور پر آگاہ ہے۔

وفد کی جانب سے کورونا وائرس کے دوران حکومت کے معاشی پیکج اور ایس او پیز کے ساتھ کاروبار کو کھلا رکھنے کےفیصلے کی تعریف کی گئی ہے۔

وفد نے صدر کو كووڈ-19 کے بعد تاجر برادری کو درپیش مسائل سے آگاہ کیا اور بتایا ہے کہ تمام تر مشکلات کے باوجود کاروبار معمول پر آرہا ہے۔

یاد رہے کہ صدر مملکت ڈاکٹر عارف علوی سے انجمن تاجران سندھ کے وفد کی حاجی محمد جاوید قریشی کی سربراہی میں گورنر ہاؤس کراچی میں ملاقات ہوئی۔