وزیرتعلیم سعید غنی نے کہا ہے کہ موجودہ حکومت نے ملکی معیشت کا بیڑا غرق کردیا ہے۔
تفصیلات کے مطابق وزیرتعلیم سعید غنی نے احتجاجی مظاہرے سے خطاب کرتے ہوئے کہا کہ یہ نا اہل حکومت ہے، اس حکومت نے جس چیز پر نوٹس لیتے ہیں وہ مہنگی ہوجاتی ہیں۔
اپنے بیان میں سعید غنی نے کہا کہ ادویات، چینی گندم آٹے سے متعلق نوٹس لیا اور یہ ساری چیزیں مہنگی ہوگئی ہیں۔
وزیرتعلیم نے یہ بھی کہا کہ ادویات، چینی گندم آٹے سے متعلق نوٹس لیا اور یہ ساری چیزیں مہنگی ہوگئی ہیں۔
سعید غنی کا مظاہرے سے خطاب کرتے ہوئے کہنا تھا کہ وزیراعظم عمران خان نے کل ایک انٹرویو میں چینی مہنگی ہونے کی نئی اور عجیب منطق دی۔
وزیرتعلیم سعید غنی کا مزید کہنا تھا کہ عمران خان نے کہا کہ چینی اس لیے مہنگی ہوئی کہ پنجاب سے سندھ اسمگل ہوئی، یہ عجیب منطق کہاں سے لاتے ہیں۔
پیپلز پارٹی کا سندھ کے مختلف شہروں میں احتجاجی مظاہرہ
یاد رہے اس سے قبل پیپلز پارٹی نے کراچی کو وفاق کے حوالے کرنے کی تجویز کے خلاف سندھ کے مختلف شہروں میں احتجاج کیا اور ریلیاں نکالیں۔
پیپلز پارٹی کے کارکنوں نے خیر پور، دادو، جیکب آباد، میر پور خاص،اوباڑو، ٹنڈو محمد خان اور سجاول سمیت سندھ کے چھوٹے بڑے شہروں میں احتجاج کیا۔
کراچی پریس کلب کے باہر پاکستان پیپلز پارٹی نے وفاقی حکومت کی زیادتیوں کے خلاف مظاہرے میں جیالوں نے اپنی قیادت کے احکامات کو ہوا میں اڑایا جبکہ کشمور ہائی وے پر بھی دھرنا دیا ورٹریفک کو بلاک کردیا۔
احتجاج میں جیالے وزیراعلی سندھ مراد علی شاہ کی تصویر پر پائے رکھ کر بیٹھے رہے جبکہ محترمہ بینظیر، بلاول اور آصف زرداری کی تصاویر والے بینر جیالے زمین پر رکھ کر چھوڑ گئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News