وفاقی وزیر خوراک فخر امام نے کہا ہے کہ فوڈ سیکورٹی کے اہداف کو حاصل کرنے کا وقت آگیا ہے زرعی پیداوار کو بڑھانے کیلئے ہمیں اپنی تمام تر صلاحیتوں کو بروئے کار لانا ہوگا۔

تفصیلات کے مطابق وفاقی وزیر خوراک فخر امام نے اپنے ایک بیان میں کہا کہ زرعی پیداوار میں جدید طریقے استعمال کریں تو باآسانی سبزیوں ،پھلوں بالخصوص آم ،سیب ،کیلے اور دیگر پھلوں کے معیارکو مزید بہتر کر سکتے ہیں۔

 فخر امام نے کہا کہ آم کی پیداوار کے حوالے سے پاکستان اس وقت دنیا کا پانچواں بڑا ملک، جبکہ اس کی برآمدات کے حوالے سے تیسرے نمبر پر ہے۔

وفاقی وزیر خوراک نے یہ بھی کہا کہ چند سالوں میں دنیا بھر میں پاکستانی آم کی برآمدات میں خاطر خواہ اضافہ ہوا ہے، پاکستان کے آم ہمارے پڑوسی ملکوں میں جارہے ہیں جس میں ایران، افغانستان کو بڑی تعداد میں جارہے ہیں۔

گندم بحران کا معاملہ، فخر امام کا وزیراعلیٰ سندھ کو خط

فخر امام کا کہنا تھا کہ سندھ اور جنوبی پنجاب میں آم کی پیدا وار زیادہ ہے،امید ہے اس سال آم کی پیداوار زیادہ ہوگی جبکہ اہداف کو پورا کرنے کیلئے ہمیں آم کی پیداوار کو بڑھانا، آم کی پریزرویشن اور اس کی پیکنگ کیلئے جدید طریقے اختیار کرنا ہوں گے۔

وفاقی وزیر خوراک کا مزید کہنا تھا کہ وفاقی وزیر خوراک فخر امام قوم طویل عرصے سے مشکلات کا سامنا کررہی تھی، دہشتگردی کے خلاف جنگ کی وجہ سے بہت نقصان اٹھانا پڑا تاہم اب ہم تیزی سے اپنی قوم کو بہتری کی جانب لے جارہے ہیں۔