امیر جماعت اسلامی کراچی حافظ نعیم الرحمن نے کہا ہے کہ بھارتی را کے ایجنٹوں نے ریلی میں حملہ کرکے بزدلانہ کارروائی کی۔

تفصیلات کے مطابق امیر جماعت اسلامی کراچی حافظ نعیم الرحمن نے دھماکے کی شدید مذمت کرتے ہوئے کہا کہ کارکن پولیس انتظامیہ اور قانون نافذ کرنے والے اداروں کے ساتھ تعاون کریں۔

حافظ نعیم الرحمن نے بھارتی ریاستی جبر وتشدد کے خلاف احتجاجی ریلی سے خطاب میں کہا کہ بھارتی را کے ایجنٹوں نے ریلی میں حملہ کرکے بزدلانہ کارروائی کی، بزدلانہ کارروائیوں سے جذبوں کو مہمیز نہیں کیا جاسکتا۔

واضح رہے اس سے قبل کراچی  میں بیت المکرم مسجد کے قریب جماعت اسلامی کی کشمیر ریلی میں کریکر حملہ ہوا۔

ذرائع کا کہنا تھا کہ حملے میں 8  افراد کے زخمی ہعنے کی اطلاع موصول ہوئی جنہیں طبی امداد کے لئے لیاقت نیشنل اور آغا خان منتقل کیا جارہا ہے۔

جماعت اسلامی کی کشمیر ریلی میں کریکر حملہ

عینی شاہد کے مطابق بیت المکرم پیڈسٹل برج کے قریب فت پاتھ پر دھماکہ حافظ نعیم الرحمان کی تقریر کے دوران ہوا۔

پولیس حکام کا کہنا تھا کہ جماعت اسلامی کی یوم استحصال کشمیر ریلی میں دستی بم پھینکا گیا، ریلی بیت المکرم مسجد سے حسن اسکوائر کی جانب جارہی تھی۔

پولیس حکام کا مزید کہنا تھا کہ موٹرسائیکل سوار ملزمان دستی بم پھینک کرفرار ہوئے جس کے باعث  8 آٹھ افراد زخمی ہوئے ہیں جبکہ دھماکے سے قریبی گاڑیوں کے شیشے  بھی ٹوٹ گئے